Në Kosovë, të hënën nis zyrtarisht fushata parazgjedhore, për rrethin e dytë të zgjedhjeve lokale që do të zhvillohen më 19 nëntor. Gjatë pesë ditëve të ardhshme, kandidatët për kryetarë komunash do të kenë mundësinë që edhe një herë t’i shpalosin programet e tyre.
Zyrtarë të Komisionit Qendror të Zgjedhjeve thonë se janë përgatitur për balotazhin që do të mbahet në 19 komuna të Kosova nga 38 sa janë gjithsej. Valmir Elezi, zëdhënës në këtë institucion, tregon se të drejtë vote kanë 1 milion e 353 mijë e 613 votues. Në ditën e zgjedhjeve do të jenë të hapura 614 qendra të votimit nga 899 sa kanë qenë në raundin e parë më 22 tetor.
“Të dielën e ardhshme raundi i dytë i zgjedhjeve mbahet në 19 komuna për kryetarë të komunave, ndërkaq në komunën e Parteshit do të rivotohet vetëm për kryetar të komunës”, tha ai. “Në 19 komunat e Kosovës, ku do të mbahet raundi i dytë, janë 614 qendra të votimit, me gjithsej 1,777 vendvotime, të cilat do të hapen për këtë raund”.
Ndryshe, partitë politike dhe kandidatët e tyre që garojnë në balotazh, kanë vazhduar fushatën jozyrtare që nga koha e shpalljes së rezultateve preliminare nga KQZ-ja për rrethin e parë të zgjedhjeve lokale. Madje, gjatë kësaj periudhe disa nga partitë politike që pritet të garojnë në balotazh për zgjedhjet lokale, në komuna të caktuara kanë lidhur edhe koalicione me subjektet tjera politike.
Sipas analistëve politikë, gara më interesante pritet të zhvillohet në komunat më të mëdha, si Prishtina, Mitrovica, Gjakova, Ferizaj e Prizreni, por ku dominion Prishtina.
Albert Krasniqi, analist nga Instituti Demokratik i Kosovës, thotë se para fillimit të fushatës zyrtare, po vërehet një fjalor më i ashpër politik ndërmjet kandidatëve për kryetar komunash.
“Sidomos në debatet publike, të cilat po organizohen nëpër televizione, aty ka një gjuhë më të ashpër; po i shfrytëzojnë edhe konferencat për media për të bërë akuza ose kundërakuza në drejtim të kandidatëve të tyre”, thotë Krasniqi.
Në rrethin e dytë të zgjedhjeve, Lidhja Demokratike e Kosovës garon në 12 komuna, Partia Demokratike e Kosovës në nëntë, Lëvizja Vetëvendosje në gjashtë komuna, Aleanca për Ardhmërinë e Kosovës në pesë komuna, kurse Aleanca Kosova e Re, Nisma për Kosovën dhe Alternativa nga një komunë. Komisioni Qendror i Zgjedhjeve në Kosovë po i bën përgatitjet finale për mbajtjen e balotazhit për organet vetëqeverisëse lokale, që do të mbahen në 19 komunat e Kosovës.
Sipas rezultateve përfundimtare të KQZ-së, në raundin e parë të zgjedhjeve lokale që janë mbajtur më 22 tetor, Lidhja Demokratike e Kosovës ka fituar në katër komuna, Partia Demokratike e Kosovës – një komunë, Aleanca për Ardhmërinë e Kosovës në nivel vendi ka arritur të fitojë në dy komuna.
Lëvizja Vetëvendosje nuk ka arritur të fitojë në rrethin e parë në asnjë komunë, sikurse Aleanca Kosova e Re, NISMA dhe Alternativa. Kurse, Lista Serbe ka fituar nëntë komuna. /REL/
Promo
Reklamo këtuLufta Prigozhin - Putin
Më shumëNjë milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe