Arteta llogaritë në Granit Xhakën për sezonin e ardhshëm: Mezi arrita ta bind për të mbetur te Arsenali

Trajneri i Arsenalit , Mikel Arteta ka thënë se do të llogarisë në shërbimet e mesfushorit shqiptar, Granit Xhaka, për sezonin e ardhshëm.

Shumë tifozë dhe ekspertë besuan se ylli shqiptar nuk do të luante më kurrë për Arsenalin, pasi iu hoq shiriti i kapitenit nga menaxheri i atëhershëm Unai Emery nëntorin e kaluar.

Sidoqoftë, Arteta pranon se ka pasur një shkrirje në marrëdhëniet midis Xhaka dhe tifozëve para bllokimit, por parashikon se tashmë ajo ka kaluar.

Lexo po ashtu Mikel Arteta: Xhaka është shembull për Ozilin e Guendouzin

“Për një lojtar futbolli kur jeni në fushë dhe mendoni se i keni tifozët që ju mbështesin dhe ndjeni dashurinë e tyre, kjo ju jep një sasi të jashtëzakonshme të energjisë. Shpresojmë që ai mund të shijojë atë kur tifozët të rikthehen në stadiumin tonë”, ka thënë fillimisht Arteta.

“Njerëzit e dinë më mirë se unë se çfarë ndodhi dhe sa ndikoi në të gjitha palët kur ndodhi ajo çështje. Kur arrita këtu kam pasur një mendim shumë të lartë për të dhe e njihja vërtet mirë”.

“Më duhej ta bindja që ai kishte një të ardhme, ai kishte një vend këtu dhe ai mund të shijonte karrierën e tij dhe familja e tij mund të ishte e lumtur këtu”.

Lexo po ashtu Xhaka zbulon ofertën e Hertha Berlinit dhe tregon arsyen e qëndrimit te Arsenali

“Ai është një lojtar që jep gjithmonë 100 për qind. Ai ka punuar me të vërtetë shumë dhe ai ka fituar përsëri besimin e të gjithëve”.

“Mendoj se ai ka filluar ta shijojë atë përsëri dhe, normalisht, kur i keni këto dy aspekte së bashku – kjo është kur lojtarët performojnë në nivelin më të lartë”, përfundoi trajneri i Arsenalit. /Telegrafi/