LAJMI I FUNDIT:

Arsimi jocilësor, nepotizmi e papunësia ndër arsyet e largimit të të rinjve nga Ballkani

Arsimi jocilësor, nepotizmi e papunësia ndër arsyet e largimit të të rinjve nga Ballkani

Arsimi jo cilësor, mosrespektimi i ligjit, mungesa e shanseve të barabarta, nepotizmi, etj, janë disa nga arsyet përse të rinjtë largohen nga Ballkani.

Mirëpo, çfarë presin të rinjtë nga qeveritë e tyre? Disa nga të rinjtë e Ballkanit thonë se duan mundësi të barabarta, e disa të tjerë kanë thënë se qeveritë duhet të kenë politikë më të mirë ekonomike.

Ljubica Ivanova, nga Shkupi thotë për Deutsche Welle (DW) se nepotizmi është një nga problemet në Maqedoninë Veriore.

“Nepotizimi është një problem këtu. Nëse nuk je djali, vajza, apo miku i dikujt me pozitë nuk i ke mundësitë e barabarta që si i ri të stimulohesh për të pasur sukses”, ka thënë ajo.

Ndërsa, Elion Kollçaku nga Prishtina ka thënë se të rinjtë ikin më shumë për shkak të qeverisë së korruptuar dhe pamundësisë për të gjetur punë.

“Më dhemb shumë kur shoh shokët që po largohen nga këtu. Ata ikin për shkak të qeverisë së korruptuar, pamundësisë për të gjetur një punë të mirë, të avancimit në karrierë. Është e dhimbshme që prindërit tanë do të mbeten vetëm këtu. Unë nuk dua të jem një prej tyre, por qeveria duhet të veprojë sa më parë”, tha ai.

Edhe Sara Izeroski nga Gracanica u shpreh se të rinjtë kanë më shumë nevojë për arsim cilësor si dhe mundësi për t’u punësuar.

“Ajo për çfarë të rinjtë në vendin tim kanë më së shumë nevojë është arsimi cilësor, mundësi për t’u punësuar, sigurimi shëndetësor dhe mbi të gjitha mjedis të shëndetshëm ekologjik”, tha Izeroski.

Ndërkaq, nga Beogradi foli Sandra Maksimoviq, e cila theksoi se në Serbi duhet të vendoset sundimi i ligjit, në mënyrë që të gjithë të kenë mundësi të barabarta, ndryshe siç tha ajo të rinjtë do të largohen.

“Më kryesorja që duhet arritur në Serbi është vendosja e sundimit të ligjit, në mënyrë që të gjithë të kenë mundësi të barabarta dhe të mund të ndjekin qëllimet e tyre. Ndryshe, të rinjtë do të largohen dhe Serbia nuk do të ketë një të ardhme të ndritur”, potencoi ajo.

Jelena Kontiq, nga Nikshiqi i Malit të Zi tha se ajo çfarë pret nga qeveria e vendit të saj është një politikë më e mirë ekonomike. “Nga qeveria e re unë pres që të ketë një politikë më të mirë ekonomike që do të mundësojë punë më cilësore. Paga më të mirë dhe një standard më të mirë jetese, në mënyrë që ne të mund të kemi një jetë të mirë edhe këtu”.

Ndërkaq, nga Tirana i riu Rigon Harxhi u shpreh se qeveria duhet të përmirësojë politikat në arsim.

“Për të ndaluar ikjen e turit, të mijëra të rinjve nga Shqipëria, qeveria duhet të përmirësojë politikat në arsim dhe të na japë mundësitë për të pasur edukim falas. Vetëm në këtë mënyrë ne do të jemi të lumtur, por edhe të kualifikuar për ta bërë Shqipërinë më të mirë se sa është sot”, tha ndër të tjera Harxhi. /DW/Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori