Arrin vetura elektrike Mazda MX-5

Sipas Carscoops, raporti vjen nga një deklaratë nga prodhuesi japonez i veturave në të cilën ata njoftuan fazën tjetër të zhvillimit të produktit. 

Njoftimi u përqendrua në një numër modelesh të reja – përfshirë zëvendësimin e Mazda 6 me fuqi te rrotat e pasme dhe një motor gjashtë cilindrik.

Megjithatë, nuk ishte e qartë nëse kjo do të thoshte që Mazda Miata do të bëhej një EV i plotë ose një version i elektrizuar me një motorr hibrid ose pak hibrid.

I pyetur më vonë, CEO Takeji Kojima tha se të paktën një version i Mazda Miata tjetër do të mbetet me një motor me djegie të brendshme.

“Për klientët që kanë blerë një Roadster deri më tani, ne do të sigurojmë një motor me djegie të brendshme që përdor biokarburante të tilla si eFuel”, tha Kojima.

Në mënyrë të ngjashme, është konfirmuar që Miata është pjesë e planeve të elektrizimit të Mazda, që do të thotë se do të përfshijë një formë të teknologjisë hibride.

Kjo nuk përjashton një version plotësisht elektrik të Miata – një model që mund të ketë kuptim me arkitekturën e shkallëzuar të Mazda Skyactiv EV.

Sidoqoftë, komenti i Ichiro Hirose, drejtori i lartë ekzekutiv, mund të shpjegojë pse nuk duhet të presim një Miata plotësisht elektrike në të ardhmen e afërt.  /Telegrafi/