LAJMI I FUNDIT:

Arrihet marrëveshja mes SBASHK-ut dhe komunës së Kamenicës për reformat në arsim

Arrihet marrëveshja mes SBASHK-ut dhe komunës së Kamenicës për reformat në arsim

Kryetari i komunës së Kamenicës, Qëndron Kastrati ka njoftuar se kanë nënshkruar kontratë kolektive me SBASHK-un.

Kastrati përmes një shkrimi në Facebook, ka thënë se Reforma e arsimit në Kamenicë sot ka hedhur një hap të madh përpara dhe se Kamenica po i jep mësim Kosovës se si zhvillohet arsimi e si mbrohet mësimdhënësi, transmeton Telegrafi.

“Kontratën që nënshkruam sot me Sindikatën e Arsimit rregullon çështjen e risistemimit dhe mbron interesat e mësimdhënësit, duke u siguruar që ASNJË mësimdhënës nuk do të mbetet pa të ardhura. Lajm shumë i mirë për prindërit e fëmijët, për të cilët shkolla tani e tutje do të jetë institucion serioz e atraktiv që përgatitë qytetarë të përgjegjshëm në shoqëri. Komuna e Kamenicës dëshmoi që ndonëse me kapacitete të kufizuara, mund të marrë përsipër një reformë rrënjësore e të rëndësishme për të ardhmen e komunitetit të saj. Barazia sociale, mendimi kritik e zhvillimi i gjithëmbarshëm janë karakteristika të shoqërive që synojnë zhvillim e përparim”, ka shkruar Kastrati.

Shkrimi i plotë:

“Lajmi për nënshkrimi e Kontratës Kolektive është sihariq i madh në dy fusha tejet të rëndësishme për shoqërinë. Kjo kontratë i hap rrugë rritjes së cilësisë në arsim sepse asaj po i bashkohet komuniteti i mësimdhënësve, mësuesit e profesorët. Rëndësi të jashtëzakonshme ka edhe fakti se nënshkrimi i sotëm përbën kontratën e parë kolektive në nivel të ndërmarrjes. Problematikat e ngjashme në fushën e arsimit por jo vetëm, nuk do të trajtohen më individualisht, por kolektivisht dhe përmes sindikatës. Precedenti që kemi vendosur sot nuk është ai i kompromisit, por i bashkëpunimit. Kjo është e mundur sa herë marrëdhëniet midis nesh i kemi të ndërmjetësuara prej qëllimeve përparimtare. Dija e emancipimi janë të tilla.

Kontratën që nënshkruam sot me Sindikatën e Arsimit rregullon çështjen e risistemimit dhe mbron interesat e mësimdhënësit, duke u siguruar që ASNJË mësimdhënës nuk do të mbetet pa të ardhura. Lajm shumë i mirë për prindërit e fëmijët, për të cilët shkolla tani e tutje do të jetë institucion serioz e atraktiv që përgatitë qytetarë të përgjegjshëm në shoqëri. Komuna e Kamenicës dëshmoi që ndonëse me kapacitete të kufizuara, mund të marrë përsipër një reformë rrënjësore e të rëndësishme për të ardhmen e komunitetit të saj. Barazia sociale, mendimi kritik e zhvillimi i gjithëmbarshëm janë karakteristika të shoqërive që synojnë zhvillim e përparim.

Për mua personalisht, nisma për reformën në arsim dhe qëndrimi për një kauzë nga e cila përfiton nxënësi, është ndër detyrat më të rëndësishme për të cilat do të vazhdoj të angazhohem së bashku me grupet e interesit dhe komunitetin në tërësi. Jam i lumtur që në këtë rrugëtim sot na është bashkuar edhe SBASHK-u.

I zhgënjyer që për shkak të interesave elektorale e personale, individë e grupe të caktuara u munduan të manipulojnë e bllokojnë reformën e cila shihej sheshazi që kishte qëllimin më të mirë, ishte përgatitur e hulumtuar seriozisht, dhe do të realizohej. I ftoj të gjithë ata të reflektojnë dhe të bashkohen në këtë rrugëtim sepse ky preokupim, ky angazhim dhe këto zhvillime janë të të gjithëve. Për nxënësin.

Mua më zbrapsin idetë më të mira, zgjidhjet më efektive dhe puna më e madhe e kujtdo. Por jo ofendimet, kërcënimet e presioni.
Edhe një herë falënderoj SBASHK-un dhe zotohemi që ASNJË mësimdhënës nuk do të mbetet pa të ardhura.

Ky është vetëm fillimi. Transporti po vazhdon pa probleme. Pedagogët janë angazhuar.Këndi i leximit në shkollën “Dëshmorët e Kombit” është rregulluar. Hapësira të këndshme e të rehatshme për nxënësit. Vazhdojmë me bibliotekën në Koretin e zhvillime të tjera. Për nxënësit. Me prindërit. Mësimdhënësit. Së bashku”./Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori