Arrestohet një 30 vjeçar për grabitje në Prishtinë, dërgohet në mbajtje

Një person është arrestuar nën dyshimin se ka kryer veprën “grabitje”, e cila ka ndodhur më 15.04.2024 në rrugën “Ahmet Krasniqi”, në Prishtinë.

Në njoftimin e Policisë së Kosovës bëhet e ditur zyrtarët policorë kanë arritur që ta identifikojnë dhe arrestojnë të dyshuarin më inicialet B.J i moshës 30 vjeç.

“Mbrëmë nga njësite policore të stacionit Veriu në Prishtinë,  është arrestuar një person i dyshuar për veprën grabitje, që ka ndodhë me datën 15.11.2024, në rrugën ‘Ahmet Krasniqi’ në Prishtinë. Puna e zyrtarëve policor, është finalizuar mbrëmë , ku pas marrjes së disa veprimeve operative kanë arritë që të identifikojnë dhe arrestojnë personin e dyshuar: B.J, (mashkull) 30 vjeç, shtetas Republikës së Kosovës”, thuhet në njoftim.

Ndërkaq siç bëhet e ditur në njoftim i dyshuari me vendim prokurorit të shtetit është dërguar në mbajtje.

Siç mëson Telegrafi bëhet fjalë për grabitjen e një shtetasi turk, të cilit i vodhën 15 kartela bankare dhe 400 qind euro vitin e kaluar. /Telegrafi/