Mëngjesi i sotëm ka qenë pikëllues për familjen e prezantuesit Ardit Gjebrea.

Nëna e tij është ndarë nga jeta sot në mëngjesin e hershëm, teksa lajmin për këtë e bëri të ditur vet prezantuesi.

Ardit Gjebrea (Foto: E Diela Shqiptare)

Gjebrea ka publikuar dy fotografi të nënës së tij tashmë të ndjerë në rrjetin social Instagram, në mbishkrimin e së cilës ka bërë të ditur edhe lajmin e hidhur.

“Nuk di a do mësohem dot me mungesën tënde… Lutem që engjëjt të kujdesen për ty” (sic.), ka shkruar Gjebrea në Instagram.

I njëjti ka pranuar ngushëllime të shumta dhe të përzemërta nga miqtë, kolegët e shumë figura publike.

Ardit Gjebrea është një prej prezantuesve më në zë të Shqipërisë, dhe producent i spektaklit “E diela Shqiptare”, dhe i festivalit “Kënga Magjike”.

Ai është i martuar me Anila Gjebrean, dhe së bashku kanë dy fëmijë: Jonin dhe Anën. /Telegrafi/