Paneli Zgjedhor për Ankesa dhe Parashtresa (PZAP) ka anuluar vendimin e Komisionit Qendror të Zgjedhjeve për decertifikim të kandidatit të pavarur për kryetar të Komunës së Drenasit, Naim Bazaj.

“PZAP, duke u kujdesur sipas detyrës zyrtare, për lejueshmërinë e apelit ndaj vendimit të ankimuar të KQZ-së, të parashtruar nga subjekti politik Nisma, si palë e trete në këtë rast, ka vlerësuar se subjektit politik Nisma si person juridik, i janë prekur interest ligjore me vendimin nr 1076/2016 të datës 18.11.2016”, thuhet në vendimin e PZAP-it, raporton Periskopi.

Sekretari i Nismës, Bilall Sherifi i tha Periskopit se KQZ-ja ka miratuar kërkesën e tij në mënyrë të jashtëligjshme.

“Bazuar në ligjin që rregullon këtë çështje KQZ ka vepruar jashtëligjshëm”, tha Sherifi.

Bazaj u akuzua se bëri kompromise me Kadri Veselin e PDK-së, ndaj të cilit në fillim ishte revoltuar dhe ishte paraqitur ngutshëm si kandidat i pavarur.

decertifikimi