0Shares

Afërsisht 59 për qind e qytetarëve të Republikës së Maqedonisë janë të kënaqur me punën e Qeverisë së Republikës së Maqedonisë gjatë 100 ditëve të para, tregon anketa e fundit e televizionit Telma dhe Qendrës së Maqedonisë për bashkëpunim ndërkombëtar (QMBN), përcjell Telegrafi Maqedoni.

Anketa ka qenë e realizuar nëpërmjet telefonatave nga data 4 deri më 11 shtator në shembull reprezentativ prej 1.005 të anketuar.

Në pyetjen “Sa jeni të kënaqur me punën e Qeverisë në 100 ditë e para”, 58.9 për qind nga të anketuarit janë përgjigjur se janë të kënaqur, 43.9 për qind se nuk janë të kënaqur ndërsa 6.2 për qind kanë dhënë përgjigjen ‘nuk di’ ose kanë refuzuar të përgjigjen.

Në pyetjen “Cilës prej sferave të dhëna Qeveria i përkushton vëmendjen më të madhe”, 38.5 për qind kanë thënë ‘politika e jashtme’, 7.7 për qind ‘mbrojtja sociale’, 7.4 për qind ‘shtimi i vendeve të punës’, 4.4 pr qind ‘zhvillimi ekonomik, 3.2 për qind ‘arsim’, ndërsa 20 për qind kanë zgjedhur përgjigjen ‘tjetër’.

Ndërsa në pyetjen “Cilës sferë duhet t’i përkushtojë vëmendje më të madhe Qeveria”, 34.2 për qind kanë thënë ‘shtimi i vendeve të punës’, 18.4 për qind ‘zhvillimi ekonomik’, 10.4 për qind ‘shëndetësi’, 8.6 për qind’politikë e jashtme’, 7.4 për qind ‘mbrojtja sociale’ dhe 17.2 për qind e të anketuarve kanë zgjedhur ‘tjetër’./Telegrafi/

Të Ngjajshme
Shfaq Komentet (0)