Ankesa qesharake të Llatasit dhe Taleskës për t’i ikur paraburgimit

Në Gjykatën e Apelit ka përfunduar seanca publike për ankesat e Prokurorisë Speciale Publike (PSP) dhe për të akuzuarit në lëndët ”300”, ”Lëndina”, ”Total” dhe ”Tarifa”.

Për këto lëndë, Këshilli penal nuk i pranoi propozimet e PSP-së për paraburgim, por për një pjesë prej tyre u caktua masa e kujdesit, pra të parqiten në gjyq dhe t’u merren pasaportat.

PSP-ja këmbëngulë në paraburgim, kurse të akuzuarit kërkojnë që t’u hiqet masa e kujdesit, përcjell Telegrafi Maqedoni.

Dragan Pavlloviq-Llatas, i akuzuar në lëndën ”Total”, deklaron se është profesor në Universitetin Evropian dhe në një fakultet në Serbi, ku mund të dënohet nëse nuk paraqitet, dhe se Tv Sitel nuk mund të gjejë dikë tjetër për t’i kryer detyrat që ai i bën.

Ivona Taleska thotë se i duhen dokumentet e udhëtimit pasi që pa to nuk mund që t’i kryej punët që i ka dhe se rrezikon të mos e paguaj kredinë e banesës.

Ndihmës-ministri i MPB-së, Gjoko Popovski, thotë se vetëm e ka pranuar vendimin e Komisionit për prokurim publik për blerjen e 300 veturave të MPB-së, dhe se nuk ka bazë për të ikur pasi që jashtë shtetit ka dalë vetëm për pushime familjare./Telegrafi/