Ankandi i parë për parkun me energji solare, mbi 140 kompani të interesuara – ndër to edhe ato amerikane e gjermane

Kryeministri i Republikës së Kosovës, Albin Kurti, ministrja e Ekonomisë, Artane Rizvanolli dhe Administratorja e Agjencisë Amerikane për Zhvillim Ndërkombëtar (USAID), Samantha Power, javë më parë kanë shpallur ankandin e parë për parkun me energji solare me kapacitet prej 100 MW.

Përmes Strategjisë së Energjisë 2022-2031, Kosova ka prioritetizuar zhvillimin e resurseve solare dhe të erës, ku ndër shumë prioritete që parasheh Strategjia e Energjisë është ideuar edhe ndërtimi i centralit solar FV prej 100 MW dhe ky ankand është një mundësi për të investuar në një të ardhme të ndritshme energjetike, shkruan Telegrafi.

Lexo po ashtu Ankandi solar, Kurti thirrje investitorëve që të marrin pjesë

E lidhur me këtë ka shkruar sot ministrja e Ekonomisë, Artane Rizvanolli, gjersa bëri të ditur se deri tani janë mbi 140 kompani që kanë shprehur interesim.

“Mbi 140 kompani janë tashmë të interesuara në ankandin tonë të parë 100 MW diellor…”, shkruan ajo.

Ministrja bën të ditur se kompanitë që kanë shprehur interesim janë nga Amerika, Britania e Madhe, Gjermania, Izraeli, Turqia, Greqia, Spanja, Emiratet e Bashkuara Arabe, Shqipëria, Kroacia, Danimarka, Holanda, Maqedonia e Veriut, Portugalia, Bosnja dhe Hercegovina, Zvicra, Franca, Austria, Sllovenia, Hungaria, etj. /Telegrafi/

140+ companies are already interested in our 1st 100 MW solar PV auction, including companies from:

🇨🇭🇩🇪🇫🇷🇺🇸🇬🇧🇹🇷🇮🇱🇭🇷🇬🇷🇦🇪🇪🇸🇦🇹🇸🇮🇵🇹🇳🇱🇦🇱🇲🇰🇭🇺🇩🇰🇧🇦

Auction deadline: September 29, 2023

Info: https://t.co/ssnuiAAzWI

— Artane Rizvanolli (@Artane_R) July 29, 2023