Ankand masiv në Arabinë Saudite me 46 super-makina, mes të cilave shumë modele të rralla

Në mesin e shumë modele të rralla, janë edhe tetë Ferrari, gjashtë Porsche dhe katër Bugatti

Banorët e Arabisë Saudite të pasur me naftë, janë të njohur edhe si blerës të mëdhenj të super-makinave, që kanë çmime marramendëse, derisa nuk mungojnë edhe ankandet që ofrohen modele shumë të pëlqyeshme, transmeton Telegrafi.

Më 22 nëntor, në Riad do të zhvillohet ankandi masive me 46 super-makina, modes të cilave do të ketë modele të rralla, që vështirë se gjendet diku tjetër. Klientët do të kenë në dispozicion, tetë Ferrari, gjashtë Porsche, katër Bugatti, dhe nga dy Pagani, Mercedes, McLaren dhe Aston Martin.

Por, më të veçantë këtë ankand, e bëjnë i vetmi Pagani Zonda Riviera, numri gjashtë nga 20 Lamborghini Reventon, një Aston Martin Vanquish Zagato Shooting Brake, si dhe i fundit nga pesë Italdesign Zerouno.

Lidhur me çmimet fillestare, pritet të bëhet e ditur në ditët e ardhshme, ndërsa dihet se për t’i blerë këto super-makina, kanë mundësi vetëm ata me të ardhura shumë të mira. /Telegrafi/