Shtëpia Botuese “Dukagjini” ka nisur kolanën më të re të veprave letrare, të quajtur “Anima”. Pas dy kolanave të mëhershme – me libra eseistikë, filozofikë, historikë, nga letërsia shqipe etj. – kolana e re është ekskurs nëpër autorët dhe veprat më të njohura të letërsisë botërore.
Me një koncept editorial të menduar mirë, me përzgjedhjen e autorëve dhe përkthyesve, e po ashtu me kujdesin e veçantë të redaksisë së “Dukagjinit”, kolana synon qendërzimin e vëmendjes së lexuesit në letërsinë e mirëfilltë botërore.
Kolana nis me librin Sonata e Krojcerit të Lev Tolstoyit, të përkthyer nga shkrimtari dhe studiuesi Agron Tufa. Ky libër i autorit klasik rus trajton një ndër çështjet më fondamentale shoqërore – atë të martesës, të problemeve që e shoqërojnë, si dhe luhatjen e individit mes dashurisë, xhelozisë e urrejtjes. Novela shoqërohet me një parathënie që shpjegon ambientin kontekstual në të cilën u ngjiz vepra, ndërsa pasthënia – e shkruar nga vetë Tolstoi – përveç rrethanave të krijimit të novelës i shpërfaq idetë, ende aktuale të autorit, rreth problemeve shoqërore që prekin dhe ndikojnë institucionin e martesës.
Libri i dytë i kolanës është romani Zhdukja e mistershme e markezes së re De Loria i shkrimtarit Jose Donoso. Donoso, si pjesë e bumit të letërsisë latino-amerikane, është pothuajse i panjohur për publikun shqiptar të cilit i prezantohet këtë radhë me një libër që, përveçse trajton dëshirat më intime të qenies njerëzore, e lartëson erotikën në nivelin artistik. I përkthyer nga Bajram Karabolli, libri është ftesë jo vetëm për një shkrimtar të rëndësishëm (fatkeqësisht të panjohur për lexuesin shqiptar), por edhe për thellimin e tij në kulturën latino-amerikane.
Ledi Makbeth nga guberna e Mcenskut i Nikolai Leskovit trajton “dashurinë fatale” dhe fundin tragjik të heroinës së kësaj novele. Nisur prej titullit, trajtimit të personazheve dhe fundit tragjik, novela krijon lidhje intertekstuale me veprën e Shekspirit. Leskovi – i konsideruar si një ndër autorët më të vështirë për t’u përkthyer për shkak të një gjuhe idiomatike – i vjen lexuesit shqiptar, për herë të parë, me një përkthim të mrekullueshëm nga Agron Tufa.
Mjegull nga Miguel de Unamuno është ndër librat më të mirë të këtij autori që solli ndryshime të mëdha në letërsinë botërore – qoftë për nga trajtimi tematik, qoftë për nga risitë narratologjike. Personazhi i Unamunos gjendet gjithnjë në zgrip, duke u luhatur mes ëndrrës dhe zhgjëndrrës, mes reales dhe irreales, të vërtetës dhe të pavërtetës etj. Përmes këtij rrëfimi autori trajton problemin më të madh të qenies njerëzore: dyshimin në ekzistencën e vet. Mendoj, prandaj jam apo jam, prandaj mendoj … fraza dekartiane bëhet lajtmotiv i këtij romani që përveç lojës narratologjike dhe diskursit filozofik, shoqërohet fund e krye me një sentimentalizëm që rrjedh nga naiviteti i personazhit kryesor, Augusto Perezit. Libri është përkthyer nga Orjela Stafasani.
Kolana “Anima” është ftesë jo për një tip lexuesi, në veçanti, por për lexuesin në përgjithësi – për atë që tërhiqet nga e bukura, duke na kujtuar se është gjithnjë koha e duhur për t’u kthyer kah arti dhe kah vlerat e vërteta letrare. /Telegrafi/
Promo
Reklamo këtuLufta Prigozhin - Putin
Më shumëPortreti që frymëzoi Shekspirin të shkruante Othellon
Ana Komnena për zbarkimin e vikingëve në Durrës: Libri ku “për herë të parë” përmenden shqiptarët!
Karnavalet, origjina dhe domethënia
“Procesi”
Udhëtim nëpër fjalorin e Kosovës
Filmi i vitit 1974 i cili sot është më aktual se dikur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin