Anglina Jolie thotë se u nda nga Pitt për mirëqenien e fëmijëve, duke e cilësuar si vendim të duhur ndarjen

Angelina Jolie pretendon se ajo bëri kërkesë për divorc nga Brad Pitt për ‘mirëqenien’ e gjashtë fëmijëve të tyre.

Aktorja 45-vjeçare e filmit “Maleficent” bënë një referencë të rrallë për ndarjen e ish-çiftit në një intervistë për “Vogue” të premten, shkruan DailyMail.

“Ishte vendimi i duhur. Unë vazhdoj të përqëndrohem në shërimin e tyre. Disa kanë përfituar nga heshtja ime, dhe fëmijët shohin gënjeshtra për veten e tyre në media, por unë u kujtoj atyre që ata e dinë të vërtetën e tyre dhe mendjen e tyre”, tha ajo për revistën.

Fituesja e çmimit “Oscar” vazhdoi t’i përshkruaj fëmijët e saj si ‘gjashtë të rinj shumë të guximshëm, shumë të fortë’.

Para se të lindte tre fëmijët e saj më të vegjël: Shiloh, 12 vjeç, dhe binjakët Knox dhe Vivienne, 11 vjeçarë, Jolie u bë nënë për: Maddox, 18, Pax, 16 dhe Zahara, 15 vjeç, përmes birësimit.

Kur bëhet fjalë për procesin, ajo thotë se fjalët ‘birësim’ dhe ‘jetimore’ janë ‘fjalë pozitive’ në shtëpinë e tyre.

“Me fëmijët e mi të birësuar, nuk mund të flas për shtatzëni, por flas me shumë detaje dhe dashuri për udhëtimin për t’i gjetur ata dhe si ishte të shikoja për herë të parë në sytë e tyre”, shpjegoi ajo.

Ajo gjithashtu theksoi besimin e saj që fëmijët jo biologjikë kurrë nuk duhet të “humbin kontaktin nga kanë ardhur”.

“Ata kanë rrënjë që ju nuk i bëni. Nderoni ata. Mësoni prej tyre. Është rrugëtimi më i mahnitshëm për t’u ndarë”, vuri në dukje humanitarja.

Yjet e filmit Pitt dhe Angelina Jolie u takuan në vitin 2004 ndërsa xhiruan “Mr and Ms.Smith”.

Ata u martuan në gusht të vitit 2014 pas 10 vjetësh qëndrimi së bashku; Angelina paraqiti divorcin në shtator të vitit 2016.

Në vitin 2016, Brad dhe Maddox dyshohet se u futën në një avion privat ndërsa ishin rrugës për në Los Angeles, gjë që çoi në atë moment që Angelina të paraqiste kërkesë për divorc. Brad u pastrua më vonë nga çdo keqbërje në nëntor të vitit 2016.

Menjëherë pas kësaj, gjykatësi i dha Angelinës kujdestarinë fizike për të gjashtë fëmijët me Bradin, duke i kërkuar të vazhdojnë të kenë vizita terapeutike me fëmijët.

Sidoqoftë, Brad dëshironte më shumë kohë me fëmijët dhe vazhdoi ta kërkonte atë; deri në dhjetor të vitit 2016, ai kërkoi një seancë dëgjimore emergjente për të vulosur të gjitha dokumentet që rrethojnë rastin, i cili u mohua.

Në janar 2017, ata ranë dakord që dokumentet e tyre gjyqësore të mbeteshin private në një deklaratë të përbashkët por deri në qershor të vitit2018, ata u drejtuan përsëri në gjykatë pasi Angelina ishte urdhëruar nga një gjyqtar për të ndihmuar në rregullimin e marrëdhënieve të Bradit me fëmijët. /Telegrafi/