LAJMI I FUNDIT:

Anëtari i PDK-së reagon pas dorëheqjes së Bujës, kritikon ashpër Krasniqin: Mos hesht

Anëtari i PDK-së reagon pas dorëheqjes së Bujës, kritikon ashpër Krasniqin: Mos hesht

Anëtari i Partisë Demokratike të Kosovës në Komunën e Prizrenit, Nijazi Kryeziu, e ka kritikuar ashpër kryetarin e kësaj partie, Memli Krasniqin.

Këto kritika të Kryeziut vijnë si pasojë e dorëheqjes së Ramë Bujës nga pozita e nënkryetarit dhe anëtarit të kryesisë së PDK-së, dhe mosreagimit apo heshtjes, siç e ka quajtur ai, të kryetarit Krasniqi.

Në një letër të shkruar nga Buja drejtuar kryesisë së PDK-së, e cila është publikuar në media, tregohen arsyet e dorëheqjes nga PDK-ja.

Aty Buja është shprehur se ka pasur mungesë të plotë të komunikimit kryetar-nënkryetar, duke shtuar se asnjëherë nuk ka qenë në zyrën e kryetarit të partisë.

E lidhur me këtë ka reaguar Kryeziu, i cili i ka kërkuar kryetarit të partisë që të reagojë.

Sipas tij, dokumenti i dorëheqjes së Ramës thotë shumë, shumë më tepër se “heshtja memece” e Krasniqit.

“Ramë Buja pas vete ka një jetë të tërë veprimtari, aktivitete, sakrificë, autoriteti dhe prezenca e tij në secilën periudhë të përpjekjeve për çlirim e shtetndërtim është e shkruar më punë, djersë e gjak”, ka shkruar ai në Facebook.

“Kur heshtë për dorëheqjen e Ramë Bujës shqetësohemi se do të heshtësh edhe për tërësinë e vlerave që përfaqëson brezi i tij, një ish aktivist, ish i burgosur politik, ish ushtar i UÇK-së, i plagosur në luftë, anëtar i Shtabit të Përgjithshëm të UÇK-së, anëtar delegacioni në Rambuje, pjesë e institucioneve të Kosovë në legjislativ e në ekzekutiv, prej posteve të deputetit e deri në ministër, përherë në udhëheqjen e lartë të PDK-së”.

Mes tjerash, ai ka thënë se Ramë Buja nuk është “kafshatë” që kapërdihet me heshtje.

“Mos mendo që mundesh me injoru krejt anëtarësinë e partisë, organet drejtuese e vlerat patriotike, çlirimtare e shtetformuese duke i zëvendësuar me gjysmën e klasës se gjimnazit Xhevdet Doda, që i njeh në Prishtinën që asnjëherë  nuk i keni fituar asnjë palë zgjedhje, bile as në një lagje të vetme në Prishtinë”, ka shkruar ndër të tjera Kryeziu.

“Me ata që dalin në zgjedhje dhe nuk përdorin as logo as emblemë e slogan të partisë, që kurrë nuk e përmendin as UÇK, as PDK-në! Demokratët i ke pas vete në çdo rrethanë dhe kanë nevojë më shumë se kurrë për lider, e liderët nuk janë vetëm për fotografi e ngjarje të mira!”.

“Çele gojën e fol me zë! Jepi emër kësaj pune… Mund edhe të falim për ndonjë gjë por me na venitë ndjenjën e përkatësisë politike nuk ta falim. Në praktikë gjithmonë i kemi mirëpritur ardhjen e të rinjve, por nën çadrën e filozofisë politike të PDK-së. Nuk mundemi me heshtë e me duartrokitë që secili që vjen në PDK me pru ngjyra e logo të reja”.

Dorëheqjen e Ramës për Telegrafin e ka konfirmuar edhe zëdhënësi i PDK-së, Faton Abdullahu.

Në një përgjigje me shkrim, ai ka thënë se “kryetari e ka pranuar dorëheqjen e z. Buja. Ka biseduar me të dhe e ka falënderuar për punën dhe angazhimin e deritashëm në Kryesi”.

Telegrafi gjatë ditës ka provuar të kontaktojë edhe me Bujën, por i njëjti ka qenë i paqasshëm.

Ndryshe, dorëheqja e Ramë Bujës vjen pas tri vjetësh rikthim në PDK. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori