Xhudisti dhe blogeri Andi Artani, është një nga banorët e shumë diskutuar të spektaklit Big Brother VIP Kosova.
Ai është një nga konkurrentët më aktivë përsa i përket bisedave dhe debateve që zhvillohen brenda shtëpisë.
Së fundmi, në një bisedë të bërë mes banorëve, Andi ka treguar një detaj shumë interesant që lidhet me jetën e tij.
I njëjti potencoi se përgjatë gjithë jetës nuk kishte lexuar kurrë as edhe një libër të vetëm, nga fillimi e deri në fund.
Andi tha se vetëm para gjashtë muajve ka filluar të lexojë një të tillë, duke e "mashtruar" veten që pas çdo kapitulli të lexuar, do t'i jepte vetes një shpërblim.
Kjo mënyrë e tij për të krijuar shprehinë e leximit, u lavdua nga banorët e tjerë si një rrugë e mirë për shëndetin e tij mendor. /Telegrafi/
