Ancelotti: Mbappe ka të njëjtin problem si të tjerët

Trajneri i Real Madridit, Carlo Ancelotti, ka kërkuar më shumë durim me Kylian Mbappen, i cili ende nuk i ka përmbushur pritjet që nga mbërritja në klub. Penalltia e tij e humbur kundër Liverpoolit vetëm sa e rriti presionin, por italiani pretendon se është një çështje kolektive.

Kryefjala e konferencës për shtyp ishte forma e dobët e Mbappes, i cili ka dy gola në nëntë ndeshjet e fundit. Ancelotti u pyet për lojën e tij dhe nuk hezitoi të përgjigjej.

“Problemi që ka Mbappe është problemi që kemi të gjithë ne. Ne po kërkojmë të gjejmë versionin tonë më të mirë. Unë dhe lojtarët e mi. Problemi është tek ekipi dhe jo tek lojtarët individualë, i cili nuk ka arritur të arrijë vazhdimësinë”, ka thënë fillimisht Ancelotti.

“Duhet të bëjmë gjithçka që të përmirësohemi, nuk është problem individual. Mbappe ka shënuar 9 gola, ai ka kontribuar në lojën tonë, ka dhënë asistime – Ai mund të luajë më mirë, por ne të gjithë mund ta bëjmë”.

⚪ Ancelotti: “El problema de Mbappé es el mismo que tenemos todos… No hemos tenido continuidad ni hemos sacado nuestra mejor versión. Pero no es un problema suyo individual” pic.twitter.com/PvNwjNyQg7

— MARCA (@marca) November 30, 2024

Ancelotti u fokusua në durimin dhe në idenë se kolektivi do të korrigjojë çështjet e tyre individuale.

“Ai është i vetëdijshëm se duhet të bëjë më mirë, por ai dhe të gjithë. Duhet të vazhdojmë ta mbështesim, të kemi durim dhe të mendojmë se është problem kolektiv por jo individual”.

“Dinamika e ekipit në La Liga është përmirësuar shumë në dy ndeshjet e fundit, është e vërtetë që mund të dukeshim më mirë kundër Liverpoolit. Duhet të kemi parasysh që na mungojnë shumë lojtarë. Pak nga pak po shërohen. Rodrygo kthehet nesër dhe ne duhet të jemi të durueshëm”, përfundoi italiani. /Telegrafi/