Me incidente të shkaktuara nga pala serbe janë përcjellur Samiti i Dytë Dixhital i vendeve të Ballkanit Perëndimor që u mbajt në Beograd dhe konferenca ministrore për Ballkanin Perëndimor “Veprimi Rajonal i Klimës në Ballkanin Perëndimor”, që u mbajt në Tiranë, ku po merrnin pjesë edhe përfaqësues të Qeverisë së Kosovës.
Në Samitin e Dytë Dixhital të vendeve të Ballkanit Perëndimor në Beograd, gjatë fjalimit të ministrit të Zhvillimit Ekonomik, Valdrin Lluka dhe përfaqësuesit nga ICK (Inovation Center Kosovo) Shpend Lila, një femër nga publiku ka ndërprerë fjalimet e tyre duke thënë se ‘Kosova nuk mund të quhet shtet”.
Ndërsa, në samitin për “Klimën në Ballkanin Perëndimor’, pala serbe dhe OKB-ja nuk e kanë pranuar Kosovën në tryezë me të drejta të plota, si dhe protokolli që ka diktuar OKB-ja caktonte se shteti i Kosovës duhet të ishte e përfaqësuar nga sigla e UNMIK-ut.
Këto incidente si dhe incidentet që kanë ndodhur më herët, njohësit e këtyre rrethanave në pronocimet e tyre për Telegrafin, i kanë vlerësuar si veprime jo normale, të cilat janë rrjedhojë e idesë për ndarje të Kosovës, si dhe pasojë e dialogut Kosovë-Serbi.
Politologu Ramush Tahiri, ka thënë se të gjitha incidentet janë pasojë e marrëveshjes së arritur në Bruksel, ndërmjet Kosovës dhe Serbisë për mënyrat e paraqitjes dhe të pjesëmarrjes së Kosovës në organizatat rajonale e ndërkombëtare.
“Pra Republika e Kosovës përfaqësohet me Kosovo dhe asteriks në fund të emrit, pra sipas Rezolutës 1244 të KS të OKB. Atëherë ishte thënë se kjo është fjollë bore që shkrihet shpejtë … Por që duket se nuk po ndodhë kështu. Kur po ndodhë rasti që Kosova dëshiron të prezantohet nën emrin e saj kushtetues Republika e Kosovës, atëherë po ndodhë kundërshtimi i Serbisë, dhe Kosova po duhet ta lëshojë takimin ose të pranojë emërtimin me asteriks. Kështu ndodhi edhe në Tiranë kur ministri i Shqipërisë në shenjë solidarizimi e lëshoi takimin të cilin vet e kishte thirr dhe ishte organizator, por vendet e tjera vazhduan takimin. Me herët kështu kishte ndodhi edhe në takimin e CEFTA -as në Prishtinë”, ka thënë Tahiri për Telegrafin.
Sipas tij, Serbia mos pranimin e Kosovës si shtet të pavarur e ka si politikë nacionale.
“Kosova po e akuzon Serbinë që nuk po e pranon realitetin dhe nuk po e pranon Kosovën si shtet dhe që po e pengon anëtarësimin e Kosovës në organizatat ndërkombëtare, gjë që Serbia nuk po e mohon. Përkundrazi, po thotë se e ka politikë nacionale mos pranimin e pavarësisë së Kosovës si akt të shpallur njëanshëm, u shpreh Tahiri.
Tahiri tha se Kosova ka dështuar në dialogun e Brukselit, pasi në marrëveshjet me Serbinë, Kosova e ka vendos juridikisht në mëdyshje shtetësinë e saj duke i dhënë një rol e status të veçantë Serbisë.
“Kosova e ka ri aktualizuar Rezolutën 1244, duke mos e shfrytëzuar fare mendim – vendimin e Gjykatës Ndërkombëtare të Drejtësisë në Hagë, e cila e dëshmoi se shpallja e pavarësisë ishte e drejtë dhe në harmoni me ligjin dhe të drejtën ndërkombëtare dhe nuk është në kundërshtim me Rezolutën 1244 dhe nuk ishte akt i njëanshëm”, vlerësoi Tahiri
Ndërsa, analisti Belul Beqaj theksoi se të gjitha veprimet abnormale që kanë ndodhë, duke përfshirë edhe incidentin në Tiranë janë rrjedhojë e idesë për ndarje të Kosovës.
“Ngase, vrasja e Oliver Ivanoviqit, ‘treni serb’, presioni ndaj pjesëtarëve të FSK-së, deportimi i Gjuriqit, Interpoli, çnjohjet e shtetit të Kosovës… Krejt këto janë ‘argumente’ se serbët dhe shqiptarët nuk mund të jetojnë bashkë. Prandaj nëse nuk bëhet ndarja mes tyre vazhdimisht do të kemi shkak për casus beli (shkak për luftë)”, ka thënë Beqaj për Telegrafin.
Ndryshe për incidentin në Beograd ka reaguar të premten edhe ministri i Punëve të Jashtme, Behgjet Pacolli, i cili ka thënë se Serbia, loboi sërish kundër shtetit dhe pavarësisë së Kosovës.
Ministri i MPJ-së, Pacolli ftoi Bashkimin Evropian që ta disiplinoj Serbinë, përndryshe Kosova në të ardhmen nuk do të marr pjesë në konferenca të këtij lloji. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit
Geer: Të zbatohen rekomandimet e OLAF, paratë për “Erasmus Plus” do të jenë të disponueshme
Intervistë me Dr. Nikolla Hristov, kirurg kardiovaskular në Klinikën Zhan Mitrev
Lajçak me post të ri nga shtatori
Bajrami i reagon Muratit pasi tha se ka rritje të qarkullimit të biznesve, e fton për përballje
Pse Mali i Zi votoi kundër Kosovës në KiE, flet Dritan Abazoviq
Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë
Aksident tragjik në Kërçovë, humbin jetën tre persona
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia