Rreth 100 biznese po marrin pjesë në Panairin e Përgjithshëm “Prishtina 2022”, i cili u hap të enjten në Prishtinë, derisa organizatori, Oda Ekonomike e Kosovës tha se synon që përmes tij të kontribuojë në rimëkëmbjen ekonomike pas pandemisë COVID-19.
Ministrja e Industrisë, Ndërmarrësisë dhe Tregtisë, Rozeta Hajdari para afaristëve theksoi se janë duke bërë reforma për të krijuar më shumë siguri për investime në Kosovë.
Ajo theksoi po ashtu se Kosova është vend i pasur me potenciale të mëdha për zhvillim ekonomik.
“E di që nevojat e sektorit privat janë të mëdha, duke filluar nga shumë barriera që kanë me burokracinë, që ndërmarrësit sfidohen. Bizneset kanë shumë nevojë për një fuqi punëtore të kualifikuar, për stabilitet dhe për të marrë frymë lirë. Dhe në këtë drejtim, ne po punojmë si qeveri e re me politika të qarta industriale, në reformat strukturore për lehtësimin e të bërit biznes në Kosovë. Po ashtu, në reformat juridike për të sjellë më shumë siguri për investime në Kosovë. Po ashtu edhe në reformat e shumë ligjeve që sjellin një konkurrencë të shëndoshë, dhe ulin një burokraci. Kosova është shumë e pasur në aspektin e mineraleve, dhe resurse njerëzore që është faktori kryesor për zhvillim ekonomik. Ne duhet t’i qesim në pah këto potenciale për zhvillimin e vendit tonë, për krijimin e më shume vendeve të punës e më shumë eksporte”, theksoi ajo.
Kryetari i OEK-ut, Berat Rukiqi e quajti këtë një panair të rimëkëmbjes ekonomike pas pandemisë duke thënë se Oda ka për synim që vitin e ardhshëm të dyfishojë ky numër.
“Për neve këtë vit panairi ka qenë një fillim nga zeroja. Fjala që më së shumti e ka karakterizuar ekonominë e vendit në periudhën e pandemisë ka qenë rimëkëmbja, pra si të rimëkëmbemi nga pasojat jo të lehta të pandemisë, e sidomos si të rimëkëmbemi tani kur e kemi një situatë të re, me krizë të çmimeve, e cila ka karakter global dhe që po ndikon negativisht edhe në ekonominë tonë. Kjo rimëkëmbje vlen edhe për këtë panair, kështu që ky është panairi i rimëkëmbjes dhe si i tillë meriton të vlerësohet shumë më shumë se çdo panair tjetër që kanë qenë në rrethana normale para pandemisë. Tani në këtë panair është një normalitet i ri, është një proces i rimëkëmbjes dhe i rikthimit”, theksoi ai.
Në hapje të panairit i pranishëm ishte edhe ambasadori i Shqipërisë në Prishtinë, Qemal Minxhozi i cii theksoi se marrëdhëniet tregtare ndërmjet Kosovës dhe Shqipërisë kanë arritur vlerën rreth 420 milionë euro.
“Të gjitha marrëveshjet që janë bërë midis dy qeverive gjatë këtij 6-7 vjeçari po japin efektet e tyre. Sot Shqipëria dhe Kosova eksportojnë dhe importojnë midis tyre rreth 420 milionë euro mallra. Kjo është një lajm i mirë krahasuar me vitin 2016 kur kishim vetëm 160 milionë euro. Por, mundësitë janë shumë më tepër që ky bashkëpunim të rritet”, theksoi Minxhozi.
Pjesëmarrësit e vlerësuan si të rëndësishme pjesëmarrjen në panair. Jon Prelvukaj nga kompania “Ejona” në këtë panair ka prezantuar produktet që ofron kjo kompani prej ashensorëve, aklimatizimit, për ngrohje qendrore, ventilim dhe ujësjellës.
Ai tha se ka interesim nga qytetarët për produktet e tyre në panair.
“Interesimi është i madh nga qytetarët, këto produktet kanë të bëjnë për ndërtimin e të gjitha objekteve”, tha ai.
Panairi i organizuar nga Oda Ekonomike e Kosovës mbetet i hapur deri më 8 maj në Qendrën e Panaireve në Shkabaj. /KP/Telegrafi/
Promo
Reklamo këtuLufta Prigozhin - Putin
Më shumëPo lulëzojnë ofertat n’BAU MARKET
Afër detit, afër mbretit - Mbreti i "Holiday In 2" po t'fton në fron
Abonohu në Shqip.ai - Zbulo pakot e reja të çmimeve
Dënohet me 25 vjet burg mashtruesi më i madh me kriptovaluta në SHBA
Ku janë banesat më të shtrenjta në Evropë dhe sa janë të gatshëm të shpenzojnë njerëzit?
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia