LAJMI I FUNDIT:

Ambasada e SHBA-së: Berisha, sinjal për të korruptuarit në Maqedoni

Ambasada e SHBA-së: Berisha, sinjal për të korruptuarit në Maqedoni

Shpallja “persona non grata” e ish presidentit dhe ish kryeministrit demokrat të Shqipërisë, Sali Berisha nga ana e Sekretarit amerikan të Shtetit, Antoni Blinken duhet të përçojë sinjal të fuqishëm deri tek të gjithë personalitetet që përfshihen në korrupsion. Ky është qëndrimi i Ambasadës amerikane në Shkup, e cila për Alsat konfirmoi se SHBA mbetet vigjilente në luftën globale ndaj korrupsionit.

Kur Sekretari i Shtetit merr informacion të besueshëm se një zyrtar është përfshirë, drejtpërdrejtë ose indirekt në korrupsion ose shkelje të rëndë të të drejtave të njeriut, Sekretarit i kërkohet ta identifikojë atë zyrtar dhe anëtarët e familjes së tij të ngushtë, sipas kësaj dispozite të ligjit amerikan. Departamenti i Shtetit do të vazhdojë të përdorë këtë autoritet dhe të gjitha mjetet në dispozicion për të luftuar korrupsionin globalisht. Në varësi të rrethanave të veçanta, disa emërtime bëhen publikisht, ndërsa të tjerët bëhen privatisht. Veprimi i djeshëm duhet të dërgojë një sinjal të fortë që promovon përgjegjshmërinë dhe transparencën dhe të qëndruarit kundër korrupsionit të rëndë nga ndonjë zyrtar i shquar”, thonë nga Ambasada e SHBA-së për “Alsat”.

Ambasada amerikane nuk u përgjigj drejtpërdrejtë nëse dhe kur do të shtohen emra të rinj në “Listën e Zezë” të personaliteteve nga Maqedonia e Veriut, e cila menaxhohet nga ana e Ministrisë amerikane të financave. Ndonëse kjo listë e gjatë azhurohet vazhdimisht, ndër vite nuk ka pasur ndryshime sa i përket personave nga vendi ynë. Nuk janë shtuar emra të rinj, ndonëse në vend ka pasur skandale të ndryshme korruptive dhe nuk janë hequr nga lista emrat e shkruar nga viti 2001. Edhe në kërkimet e sotme vazhdojnë të rezultojnë: Menduh Thaçi, Nuri Bexheti, Xhevat Ademi, Abdyl Jashari, Gafur Adili, Nevzat Halili, Xhavit Hasani, Kastriot Haxhirexha, Xhemajl Hyseni, Daut Rexhepi dhe Xhezair Shaqiri./Alsat/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori