LAJMI I FUNDIT:

Amazon shpallet marka më e vlefshme në botë

Amazon shpallet marka më e vlefshme në botë
Kompania Amazon | Foto: David Ryder/Getty Images/Guliver

Sipas një studimi të agjencisë të hulumtimit WPP, marka e Amazon vlen 315.5 miliardë dollarë, e cila është 52 për qind më shumë se një vit më parë dhe mjaftueshëm për të kaluar Apple me vlerë prej 309.5 miliardë dollarë dhe Google me vlerë prej 309 miliardë dollarë në renditjen vjetore.

Apple dhe Google kanë qenë në pozicionin më të lartë në renditjen e BrandZ në listën “Top 100 Most Valuable Global Brand” për 12 vitet e fundit deri më tani.

“Blerjet e zgjuara, kanë çuar në rrjedha të reja të të ardhurave, shërbim i shkëlqyer i shërbimit të klientit dhe aftësia e tij për të qëndruar përpara konkurrentëve të tij duke ofruar një ekosistem të larmishëm të produkteve dhe shërbimeve, janë arsyet se pse Amazon ka këtë vlerë”, thuhet në studim, përcjell Telegrafi.

Në mesin e këtyre blerjeve, platformat e makinave dhe kamionëve autonom, plus blerja e PillPack prej 753 milionë dollarësh dhe 575 milionë dollarë investime në shërbimin e shpërndarjes në Londër, Deliveroo.

Microsoft i cili ka kapitalin më të madh të tregut në këtë moment, u rendit i katërti në renditje, me vlerën e markës prej 251.2 miliardë dollarë, pasuar nga Visa me një rritje prej 22 për qind. /Telegrafi/