LAJMI I FUNDIT:

Amazon hyri në tregun turk

Amazon hyri në tregun turk

Gjiganti amerikan i tregtisë online ka hapur qendrën e saj në Turqi.

Me hapjen e uebsajit për Turqinë, ndërmarrjet rezidente në Turqi mund t’i shesin produktet e tyre tek klientët anembanë Turqisë pa paguar ndonjë çmim për renditjen e ndonjë produkti të çfarëdoshëm.

Këtyre ndërmarrjeve, Amazon u ofron shërbime të shumta me synimin për t’i mbështetur ato në drejtim të rritjes së shitjeve si asistencë në realizmin e shitjeve online për 24 orë në shtatë ditë të javës, kushte të qarta dhe transparente të shitjes, informacione për vendosjen e çmimeve, raporte dhe analiza.

Vlera e tregut të Amazonit sot llogaritet në 1 trilion dollarë, kurse fitimi neto i kompanisë në tremujorin e dytë të këtij viti arriti në 2.5 miliardë dollarë, duke shënuar kështu edhe fitimin më të lartë që ka realizuar firma në një tremujor gjatë historisë së saj.

Amazon i bashkohet Apple në rritjen e vlerës së tregut prej një trilion dollarë
Lexo po ashtu Amazon i bashkohet Apple në rritjen e vlerës së tregut prej një trilion dollarë

Konkurrentët tjerë si Google dhe Microsoft, janë shumë afër që të arrijnë një sukses të ngjashëm.

Bezos themeloi kompaninë e tij në Seattle në një garazh të vogël nga ku bënte shitjen online të librave, ndërsa sot është një ndërmarrje botërore e larmishme me më shumë se 200 miliardë dollarë shitje vjetore dhe me mbi 575 mijë të punësuar. /Telegrafi/