Amazon blen 11 aeroplanë Boeing 767

Amazon Air po zgjeron flotën e saj në pothuajse 100 aeroplanë.

Amazon ka rritur flotën e saj të avionëve ngarkues për shkak të kërkesës në rritje për shpërndarjen e shpejtë.

Grupi i multi-miliarderit të teknologjisë Jeff Bezos njoftoi në një deklaratë të martën blerjen e njëmbëdhjetë avionëve Boeing 767-300, transmeton Telegrafi.

Amazon po merr avionët nga linjat ajrore Delta dhe Westjet, por nuk kishte informacion mbi çmimin.

Aeroplanët e pasagjerëve tani janë duke u shndërruar në aeroplanë mallrash dhe duhet të përdoren për Amazon nga viti 2022. Gjiganti i internetit në SHBA është në një kurs zgjerimi të shpejtë me divizionin e tij të mallrave ajror Amazon Air, i cili duhet të përshpejtojë dërgesat dhe ta bëjë grupin më të pavarur.

Sipas kompanisë, më shumë se 27 milionë litra karburant të qëndrueshëm të aviacionit u blenë për këtë qëllim gjatë verës.

Vetëm në qershor që Amazon njoftoi se do të merrte me qira dymbëdhjetë makina të tjera për shkak të bumit të transportit në krizën e coronavirusit dhe do të zgjeronte flotën në mbi 80 aeroplanë.

Në nëntor, Amazon hapi qendrën e saj të parë rajonale të transportit ajror në Evropë në aeroportin Leipzig-Halle. /Telegrafi/