Alpine Alpenglow – vetura e garave me hidrogjen, e dizajnuar edhe për rrugë normale
Është e vështirë të mos shkruash për Alpine Alpenglow, edhe pse nuk është veturë elektrike, ajo e prezanton të ardhmen nga një markë ikonë. Një markë e cila për shumë njerëz është esenca e veturave garuese.
Alpine Alpenglow fuqizohet nga një motor me djegie. Pikë së pari – emri Alpenglow është marrë nga shkëlqimi me ngjyrë të kuqe nga malet, vetëm pak para lindjes së diellit – kjo duke u bazuar në deklaratën zyrtare të lëshuar për shtyp.
Alpenglow është një veturë garuese me një ulëse që fuqinë e merr nga një motor me djegie hidrogjeni, dhe është një shenjë e qartë se Alpine është përkushtuar ndaj një të ardhmeje pa karbon dhe pa emetim, por jo domosdoshmërisht ndaj një të ardhmeje vetëm elektrike, raporton Arena EV, përcjell Telegrafi.
Alpine A110 E-ternitè e dëshmon se kompania nuk po largohet nga veturat elektrike, dhe ka të ngjarë se do të vazhdojë zhvillimin e të 2 teknologjive.
Vetura Alpenglow është dizajnuar rreth shasisë të një veture garuese, ka ngjashmëri të frikshme mes saj dhe LMDh Hypercar, me të cilën Alpine do të garojë në Le Mans 2024. Modulet e poshtme kanë dy rezervuarë hidrogjeni prej 700 barëve, dhe motori djegës është i vendosur pas shoferit.
Alpenglow është 5 metra e gjatë, 2 metra e gjerë dhe vetëm 1 metër e lartë. Dritat e përparme janë dizajnuar për t’i ngjasuar një komete e cila po futet në atmosferën e Tokës me njolla të vogla të dritës duke u sjellë anash saj, ndërsa dritat e pasme janë me ngjyrë të kaltër për të nënkuptuar shtytjen e hidrogjenit.
Kur bëhet fjalë për kabinën, nuk mund të thuhet shumë për të. Një ulëse e vetme garuese me veshje gjithashtu garuese, timon me butona për Tejkalim, Kontroll Piste, Frenim Regjenerues dhe me dy pedale.
Vetura ka ngjyrë Alpine Blue pasi që duket se asnjë ngjyrë tjetër mund të përshtatet për atë veturë, fibri i karbonit përdoret gjerësisht përgjatë shasisë dhe sistemi i amortizatorëve i ngjashëm me atë të F1, tregon qartë se kjo është një veturë e pistave.
Alpine insiston se këtë veturë mund ta shohim edhe në rrugët normale, por kjo i përket një të ardhme më të largët.
Dhe nëse jeni afër Parisit gjatë këtij vikendi, atëherë ju jeni me fat – kjo veturë do të prezantohet në Panairin e Veturave Parisi 2022. /Telegrafi/
Lufta Prigozhin - Putin
Më shumëShoferi i Tesla në SHBA tha se ai po përdorte Autopilot kur goditi për vdekje një motoçiklist
Musk paralajmëron risi, tash secili mund të bëhet me Tesla
Volvo "përplas" veturën më të madhe të saj me atë më të voglën
Nissan Frontier 2023 merr paketën e Edition Midnight
Një garë tjetër e supermakinave: Lamborghini Revuelto, Ferrari SF90 apo Porsche 918?
Mercedes hoqi dorë nga ideja e një motori të vogël me dy cilindra në klasën S
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë