Allegri nuk heq dorë nga dëmshpërblimi nga Juventusi, çështja po bëhet më serioze

Shkarkimi i Massimiliano Allegrit dy javë më parë mund t’i kushtojë shumë Juventusit.

Trajneri italian ka tronditur drejtuesit e Zonjvs së Vjetër me kërkesat për para pas shkarkimit.

Allegri, nëpërmjet avokatit të tij, u ka kërkuar bardhezinjve 14 milionë euro dëmshpërblim për prishjen e kontratës në mënyrë të njëanshme.

Lexo po ashtu Çështja mes Allegrit dhe Juventusit mund të përfundojë në gjykatë, bëhet fjalë për miliona euro

Ish-trajneri i Livornos dhe Milanit ka kërcënuar se do të çojë çështjen në gjykatë, teksa nga ana tjetër klubi bardhezi ka refuzuar kërkesën e ish-trajnerit, duke e cilësuar të tepruar kërkesën e tij për 14 milionë euro.

Negociatat pritet të vijojnë sërish në ditët e ardhshme, me drejtuesit e Juventusit që synojnë të ulin sa më shumë shifrën e pretenduar nga Allegri dhe stafi i tij, të cilët kanë kontratë deri në fund të sezonit me bardhezinjtë.

Lexo po ashtu U kërkoi para për ndërprerjen e kontratës, Juventusi refuzon kërkesën e Allegrit

Massimiliano Allegri u shkarkua dy javë para fundit, pas një shpërthimit ndaj gjyqtarëve, drejtorit sportiv Giuntoli dhe drejtorit të gazetës torineze ‘TuttoSport’, në përfundim të finales së Kupës së Italisë ndaj Atalantës.

Në vendin e teknikut bardhezi pritet të emërohet Thiago Motta, i cili ka ndërprerë bashkëpunimin me Bolognën dhe është drejt zyrtarizimit në stolin e Juventusit. /Telegrafi/