Allegri fotografohet me drejtorin e PSG-së, përhapen spekulime për trajnerin e Juves

Trajneri i Juventusit, Massimiliano Allegri, është parë duke u takuar me drejtorin e ri sportiv të Paris Saint-Germainit, Luis Campos, duke nxitur spekulime se mund të marrë drejtimin e klubit francez.

Takimi është fotografuar dhe është publikuar nga La Source Parisienne, ku shihen strategu italian dhe drejtori i PSG-së jashtë një hoteli së bashku duke e pritur dikë.

Postimi i është shoqëruar me mbishkrimin që aludon se Allegri mund të bëhet “trajneri i ardhshëm i Parisit”.

J’ai reçu en privé comme nombreux d’entre vous cette photo d’Allegri et Luis Campos devant cet hôtel. Je ne sais pas du tout de quand cela date, si quelqun ici a plus d’informations. N’hésitez pas ✌️ pic.twitter.com/jCxqy0vmuq

— La Source Parisienne (@lasource75006) June 14, 2022

Football Italia e ka identifikuar se fotografia është realizuar në Hotel de Paris në Montekarlo dhe ka mundur të realizohet gjatë fundjavës në garën për Çmimin e Madh të Formula 1.

Lexo po ashtu Nedvedi zënkë me Allegrin dhe kërkon largimin e tij, por Agnelli ka tri arsye pse ende beson te trajneri italian

Allegri dhe Campos janë miq të mirë prej kohësh dhe përkundër se PSG kërkon trajner të ri, trajneri i Juventusit ka kontratë deri në vitin 2025 dhe vështirë se mund të largohet.

Zinedine Zidane dhe Didier Deschamps konsiderohen opsione me reale për ta zëvendësuar Mauricio Pochettinon në Paris. /Telegrafi/