Trent Alexander-Arnold mori dy dhurata nga Real Madrid pas nënshkrimit të kontratës me klubin.
Alexander-Arnold u prezantua zyrtarisht si lojtar i Real Madridit të enjten, pas transferimit nga Liverpool.
Ai u prezantua para tifozëve dhe mbajti një fjalim që la të habitur anëtarët e bordit të pranishëm në sallë.
26-vjeçari gjithashtu iu përgjigj pyetjeve nga mediat e mbledhura, ku u "detyrua të sqarojë" një nga përgjigjet e tij.
Alexander-Arnold, i cili tashmë ka lënë përshtypje në stërvitje, i bashkohet Realit vetëm pak ditë para se ata të nisin fushatën në Kupën e Botës për Klube, të cilën ylli anglez synon ta fitojë para debutimit me klubin e ri.
Para se të bëjë paraqitjen e tij të parë për Realin, Alexander-Arnold ka marrë jo një, por dy dhurata nga gjigantët spanjollë.
Pas nënshkrimit të kontratës, atij iu dhurua një maket i stadiumit dhe një orë.
Reali e konfirmoi dhuratën për përforcimin e ri të verës në një deklaratë të publikuar në rrjetet sociale.
“Trent Alexander-Arnold është zyrtarisht lojtar i Real Madridit. Presidenti i klubit, Florentino Pérez, e mirëpriti atë në sallën e bordit në Real Madrid City, ku anglezi nënshkroi një kontratë që do ta mbajë në klub për gjashtë sezonet e ardhshme”.
“Pas nënshkrimit, Alexander-Arnold mori një maket të stadiumit, një orë dhe një fanellë me emrin e tij dhe numrin 12 në shpinë”./Telegrafi/
