Alcantara zbulon arsyen e largimit nga Barcelona te Bayern Munichu

Thiago Alcantara ka luajtur për disa nga klubet më të mëdha të futbollit botëror. Mesfushori e filloi karrierën e tij në Barcelonë, përpara se t’i bashkohej kampionit gjerman Bayern Munich në vitin 2013. Ai tani është te gjigantët e Ligës Premier, Liverpooli, pasi nënshkroi për klubin anglez tre vjet më parë.

Përveç paraqitjeve të tij me klube, Alcantara ka luajtur 46 herë për kombëtaren spanjolle. Edhe pse babai dhe vëllai i tij luanin për Brazilin, Thiago zgjodhi kombëtaren La Roja.

Pasi bëri debutimin e tij në ekipin e parë te Barça në vitin 2009 nën drejtimin e Pep Guardiolës, Thiago ishte pjesë e një prej epokave më të mëdha të historisë së klubit.

Ai fitoi 10 trofe gjatë kohës së tij në Spanjë, por duke qenë në të njëjtën skuadër me Xavi, Andres Iniesta dhe Sergio Busquets do të thoshte se koha e lojës ishte e kufizuar.

Guardiola u largua nga Barcelona në vitin 2012 dhe u bë trajner i Bayern Munichut një vit më vonë. Ai e identifikoi Alcantaran si një nënshkrim prioritet për klubin e tij të ri.

Një marrëveshje u ra dakord me Barçën dhe mesfushori u largua për një aventurë të re në Gjermani. Duke folur për BT Sport, Thiago zbuloi pse zgjodhi të largohej nga Barça në atë kohë.

“Kam luajtur me shumë legjenda te Barça. Pastaj u përpoqa të luaja aq minuta sa doja”, ka thënë fillimisht Alcantara.

“Pep Guardiola u largua nga klubi dhe nënshkroi për Bayernin. Më pyeti se çfarë nuk shkonte me mua. Motivi vendimtar i Bayernit ishte: “Më duhen minuta, duhet të luaj”.

“Pashë një sfidë të madhe te Bayerni. Ata fituan Ligën e Kampionëve, edhe unë doja të bëja të njëjtën gjë!”, përfundoi spanjolli.

31-vjeçari ka pasur një karrierë të shkëlqyer deri më tani, dhe do të shpresojë t’i shtojë 29 trofeve edhe disa tjerë gjatë pjesës së mbetur të kohës së tij me Reds. /Telegrafi/