Komediani dhe aktori i njohur amerikan, Danny DeVito, ka dhënë së fundmi një intervistë përmes së cilës ka treguar për origjinën shqiptare të paraardhësve të tij.
Ylli i Hollywoodit zbuloi se gjyshja e tij ishte kalabreze dhe fliste dialektin gegë.
Kjo pjesë u shpërnda në Twitter nga ish-ministri i Punëve të Jashtme, Petrit Selimi.
Danny DeVito (Foto: Twitter)
“Gjyshja ime ishte nga Kalabria, në fund të çizmes (i referohet formës së hartës së Italisë) dhe atje është Shqipëria. Ajo fliste… një gjuhë, një dialekt që quhet gegë”, u shpreh aktori.
Ai tutje ka sqaruar se ky dialekt është e folura në veri të Shqipërisë.
“Disa njerëz mund ta dinë se çfarë është. Është një gjuhë hibride”, thotë Danny DeVito.
Danny DeVito (Foto: YouTube)
Dialekti gegë është njëri nga dy dialektet e gjuhës shqipe që flitet nga shqiptarët në veri të Shqipërisë, Kosovë, në Maqedoni si dhe në Mal të Zi.
Danny është i njohur për paraqitjet në filmat si: “Matilda”, “Batman Returns”, “Ruthless People”, “Romancing the Stone” etj. /Telegrafi/
