Një motoçiklist ka vdekur pas aksidentit që ka ndodhur të martën rreth orës 18:00 në fshatin Sllovi të Lipjanit, ku janë përfshirë një automjet dhe një motoçikletë.

Zëdhënësja e policisë për Rajonin e Prishtinës, Flora Ahmeti ka deklaruar për Telegrafin se ngasësi i motoçikletës, E.B., ka humbur jetën në vendin e ngjarjes si pasojë e përplasjes.

“Vdekjen e viktimës mashkull e ka konstatuar ekipi mjekësor në vendngjarje”, thuhet në njoftim.

Ahmeti ka bërë të ditur se me rastin është duke u marrë njësiti rajonal i trafikut, i cili ka dalë në vendin e ngjarjes për hetimin e rrethanave të aksidentit./Telegrafi/

Kronika e Zezë Lajme