LAJMI I FUNDIT:

Afrika kërcënohet nga lufta e përgjakshme e Egjiptit, Sudanit dhe Etiopisë, gjithçka ndodh për shkak të ujit në lumin Nil

Afrika kërcënohet nga lufta e përgjakshme e Egjiptit, Sudanit dhe Etiopisë, gjithçka ndodh për shkak të ujit në lumin Nil

Presidenti egjiptian Abdel Fattah Al-Sisi të martën paralajmëroi për rrezikun e një lufte rajonale mes Egjiptit dhe Etiopisë rreth ndërtimit të një prej digave më të mëdha në botë në Nil, pasi që bisedimet mes tri shteteve – Egjiptit, Sudanit dhe Etiopisë kanë përfunduar pa ndonjë sukses.

Etiopia shtet në lindje të Afrikës, shpresat për shpëtim dhe përparim ekonomik i ka në digën e madhe në Nil, që do të mundësojë një furnizim stabil të tërë shtetit me energji elektrike, por edhe për eksport – derisa Egjipti si një nga shtetet më të fuqishme ushtarake në Afrikë po e kundërshton këtë, duke e konsideruar se akumulimi i ujit nëse ndërtohet kjo digë do të rrezikoj furnizimin e lumit Nil me ujë – kështu edhe botën ujore por edhe atë shtazore rreth një prej lumenjve më të mëdhenj në botë, transmeton Telegrafi.

Ndryshe, tri delegacionet në fillim të kësaj jave janë takuar në Kinshas qytetin kryesor të Kongos, për të diskutuar rreth çështjes së zgjidhjes së problemit sa i përket ndërtimit të digës së madhe – por ato dështuan sepse kishte dallime të mëdha të këndvështrimeve.

Duke folur gjatë hapjes së kompleksit të ri qeveritar, Al-Sisi ka thënë që Sudani dhe Egjipti kanë qëndrime të koordinuara sa i përket kësaj çështje dhe se “bashkëpunimi dhe marrëveshja mund të jenë më të mira se çfarëdo tjetër”.

Duke kujtuar konfliktet e mëparshme rajonale, ai tha: “i them vëllezërve tanë në Etiopi, nuk do të vijmë te pika kur do të prekni pikën e ujit të Egjiptit, të gjitha mundësitë janë të hapura”, ka shtuar Al-Sisi.

Ministri i Ujit i Etiopisë, Seleshi Bekele, është zotuar për ulje të tensioneve dhe relaksim të raporteve.

“Nuk ka nevojë për hyrje në një luftë të panevojshme. Lufta nuk duhet filluar për shkak të ujit. Uji rrjedh nëse luftoni sot, do të vazhdojë të rrjedh edhe nesër”, ka thënë Bekele para gazetarëve.

Gjatë një përgjigje dhënë për Reuters, Bekele ka hedhur poshtë akuzat që Etiopia po përdor ujin e një shteti tjetër.

“Nuk po e përdorim ujin e gjeneruar nga Egjipti apo Sudani, sepse uji nuk rrjedh në rrjedhën e sipërme në Etiopi. Përdorimi i ujit nga Etiopia për nevojat tona thelbësore, pas përdorimit të drejtë dhe të arsyeshëm, nuk ka për qëllim të shkaktojë dëme të konsiderueshme fqinjëve tanë”, ka thënë ai.

Egjipti dhe Sudani në deklaratat e tyre pas takimit në Kinshasi, kanë akuzuar Etiopinë për papajtueshmëri rreth rinisjes së negociatave para mbushjes së dytë të digës gjatë kësaj vere. Etiopia të mërkurën tha se nuk mund të arrij marrëveshje me ata që shkelin të drejtat për përdorimin e ujit të Nilit.

Agjencia sudaneze e lajmeve SUNA, ka raportuar se Kartum që gjithashtu është i përfshirë në lëvizjen kufitare me Etiopinë, ka kërkuar që të ndërrohen paqeruajtësit etiopianë të misionit të Kombeve të Bashkuara në jug të Sudanit.

“Ekziston rruga e përshkallëzimit politik dhe të gjitha mundësitë janë të hapura për Sudanin sipas ligjit ndërkombëtar, përfshirë fjalimin në Këshillin e Sigurimit të Kombeve të Bashkuara”, ka thënë gjatë një konference për media në Kartum, ministri sudanez i Ujitjes, Yasser Abbas.

Sudani dhe Egjipti kanë propozuar që të përfshihet edhe Bashkimi Evropian, SHBA-të dhe Kombet e Bashkuara si ndërmjetësuese gjatë bisedimeve. Të dy vendet kanë bërë të ditur që Etiopia ka refuzuar propozimin e një takimi, për të cilin Seleshi ka thënë se është tentim për të shkaktuar vonesa.

Javën e kaluar, Sisi ka thënë se “do të ketë masa të pamenduara që do t’i kontribuojnë jostabilitetit në rajon”, nëse disa ndikon në furnizimin me ujë të Egjiptit.

Kujtojmë që Sudani dhe gjithashtu po debatojnë edhe për ndërtimin e digës së madhe në Etiopisë (GERD) në Nil, përgjatë vijës kufitare me Sudanin. /Telegrafi/

Në trend Botë

Më shumë
Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë

Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë

Amerika
Mercenarët rus të Wagner po vrasin civilët në Mali

Mercenarët rus të Wagner po vrasin civilët në Mali

Afrika
I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit

I kishin vendosur për ukrainasit, e pësuan vetë – rusët hidhen në erë nga minat që bashkëluftëtarët e tyre i kishin montuar për ushtarët e Kievit

Evropa
Publikohen pamjet tronditëse teksa hajduti sulmon me thikë një person në mes të ditës në Londër

Publikohen pamjet tronditëse teksa hajduti sulmon me thikë një person në mes të ditës në Londër

Evropa
Mbështetësit e PKK-së kurde sulmojnë punonjësit e aeroportit në Paris – tentuan të parandalojnë ekstradimin e anëtarit të PKK-së në Turqi

Mbështetësit e PKK-së kurde sulmojnë punonjësit e aeroportit në Paris – tentuan të parandalojnë ekstradimin e anëtarit të PKK-së në Turqi

Evropa
Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Ukrainasja bëhet simbol i rezistencës, pavarësisht se rusët ia bombarduan lokalin në Kiev – ajo vazhdon të shërbejë kafe

Evropa
Kalo në kategori