Aeroplani Airbus A340 aterron për herë të parë në Antarktidë

Për herë të parë në histori, një aeroplan Airbus A340 është ulur në Antarktidë. Hi Fly, një kompani aviacioni qëndron pas fluturimit. Kompania është e specializuar, e cila do të thotë se ata marrin me qira aeroplan dhe janë përgjegjës për sigurinë e tij, mirëmbajtjen dhe logjistikën.

Aeroplani u porosit nga Wolf’s Fang, një kamp pushimi në kontinentin më jugor të botës dhe solli furnizimet e nevojshme në vendpushimin. Wolf’s Fang është një projekt i ri nga kompania turistike e nivelit të lartë të Antarktidës White Desert, raporton cnn.

Çdo fluturim zgjati pesë deri në pesë orë e gjysmë gjersa ekipi kaloi më pak se tre orë në tokë në Antarktidë, duke mbuluar 2500 milje detare.

Pista me akull në pronën e Wolf’s Fang është caktuar një aeroport i nivelit C, pavarësisht se teknikisht nuk është një aeroport. Kjo do të thotë se vetëm ekuipazhi shumë i specializuar mund të fluturojë atje për shkak të kushteve sfiduese, transmeton Telegrafi.

Edhe pse akulli është i “mrekullueshëm”, ai mund të jetë gjithashtu shqetësues për pilotët për shkak të shkëlqimit të tij.

Fluturimi i parë i regjistruar në Antarktidë ishte një monoplan Lockheed Vega 1 në vitin 1928, i pilotuar nga George Hubert Wilkins, një pilot dhe eksplorues ushtarak australian. Ai u nis nga ishulli “Deception Island” në ishujt Shetland Jugor. Projekti u financua nga William Randolph Hearst, manjati dhe botues amerikan.

Fluturime të shkurtra hulumtuese si këto ishin mënyra se si shkencëtarët dhe hartuesit morën informacion jetik për topografinë e Antarktidës. Deri më sot, nuk ka aeroport në Kontinentin e Bardhë, por ka 50 shirita uljeje dhe pista.

Australia dhe Afrika e Jugut janë vetëm dy nga fuqitë globale me interesa në Antarktidë. /Telegrafi/