Igor Sutiyagin nga Instituti Mbretëror për Shërbimet e Bashkuara (RUSI) ka deklaruar për BBC se mungesa e komunikimit të pilotëve rusë me kullat e kontrollit ajror të vendeve të NATO-s është një akt „armiqësor“ dhe „luftarak“.
NATO ka deklaruar se këtë javë është rritur „tejmase“ numri i fluturimeve të tilla ruse.
Kriza në relacionet mes Rusisë dhe shteteve të NATO-s është rritur për shkak të gjendjes në Ukrainë.
“Kremlini po vepron nga pozicionet e më të dobëtit“, tha Sutiyagin.
“Kjo është sikur në poker, Rusia po bën një blof në përpjekje për të frikësuar Perëndimin“, tha ai.
Ndërsam NATO kisht deklaruar të mërkurën se në 48 orët e fundit aeroplanët e NATO-s kishin interceptuar tetë aeroplanë ushtarakë rusë mbi Detin Verior dhe Oqeanin Atlantik, katër mbi Detin e Zi dhe mbi 10 rreth Detit Baltik.
Në të gjitha incidentet aeroplanët rusë po fluturonin në hapësirën ajrore ndërkombëtare. NATO deklaroi se aeroplanët e saj kishin vëzhguar ata rusë "për t’i identifikuar fluturaket dhe për të mbrojtur hapësirën ajrore të Aleancës“.
Por, në shumë raste aeroplanët nuk kishin deklaruar planin e tyre të fluturimit dhe as nuk ju kishin përmbajtur radio kontaktit me kontrollin e aviacionit civil. Kjo sjellje është e rrezikshme për trafikun civil ajror, tha NATO.
