Adriana Matoshi: E nderuar që më shpërblyen me Çmimin vjetor për filmbërësen kosovare në PriFest

Adriana Matoshi ka qenë pa dyshim njëra ndër aktoret më aktive dhe të pëlqyera nga publiku gjatë vitit 2017.

Roli i ‘Sasës’ në serialin e njohur komik “O Sa Mirë” ka qenë më i suksesshmi, me të cilin ka bërë edhe më shumë për vete publikun, ndërsa nuk ka munguar angazhimi i saj edhe në projektet filmike si: “Martesa”, “Rooftop Sonata” dhe “Pranverë e paharruar në një fshat të harruar”.

Krejt këto angazhime duket se u kurorëzuan me suksesin më të madh, duke rrëmbyer çmimin kryesor të festivalin Pri Film Fest.

“Çmimi vjetor për filmbërësen e vitit” ishe rezervuar për aktoren Matoshi, e cila e ka pranuar me kënaqësinë më të madhe.

Emocionet e para, pasi fitoi këtë çmim, Adriana vendosi t’i ndajë me ndjekësit e saj përmes një shkrimi në rrjetin soial Facebook:

“E nderuar qe me shpërblyen me
Çmimin vjetorë për filmbersen Kosovare!
Faleminderit Vjosa Berisha &Fatos Berisha
Faleminderit Kiki Rugova Zeqa per veshjet gjate festivalit!
Faleminderit Lidona Berisha per grimin edhe gjithcka qe bon per mu!
E bekuar qe jam e rrethuar me njerezit ma te mire ne jete!
Ju dua dhe ju paça!” (sic.), janë fjalët e aktores Adriana Matoshi. /Telegrafi/