Salihamidzic reagon pasi u shkarkua nga Bayerni: Nuk ishte një situatë e lehtë, por kjo skuadër do ta fitoj Ligën e Kampionëve

Bayern Munich ka fituar titullin në Bundesliga në mënyrë dramatike, vetëm pasi Borussia Dortmund dështoi ta mposht Mainzin.

Bavarezët e mbyllën sezonin me 71 pikë, sa kishte edhe Dortmund dhe menjëherë ndodhën ndryshimet në klub.

Gjiganti gjerman u eliminua nga Liga e Kampionëve dhe njësoj bëri edhe nga Kupa e Gjermanisë duke u konsideruar si një nga sezonet më të dështuara, pasi edhe fitimi i Bundesligas ishte i zbehtë dhe pa dominuar.

Drejtori sportiv Hasan Salihmadzic dhe drejtori i përgjithshëm Oliver Kahn u shkarkuan vetëm disa minuta pasi fituan zyrtarisht titullin.

Lexo po ashtu Në një fund dramatik, mbyllet sezoni i Bundesligas: Bayern Munich është kampion për të 11-ën herë me radhë

Boshnjaku ka folur për Sport 1 pas shkarkimit, duke thënë se Bayerni është gjithçka për të.

“Kam mësuar shumë. FC Bayern është diçka e veçantë, një klub që do të jetë gjithmonë i suksesshëm. Prandaj jam shumë krenar për kohën e kaluar si drejtues”, tha Salihamidzic.

“Puna e bërë ishte shumë e mirë. Unë besoj në ekip, ata do të fitojnë Ligën e Kampionëve në vitet e ardhshme”.

“Fillimisht do të bëj pushimet, pastaj do t’i përkushohem projekteve të reja. Shpresoj që tifozë të më kujtojnë mirë”.

Lexo po ashtu Zyrtare: Pak minuta pasi që u shpall kampion - Bayerni bën dy shkarkime

“Dua të them lamtumirë, sepse kështu duhet të jetë. Unë do ta kem Bayernin gjithmonë në zemrën time”, përfundoi Salihamidzic.

46-vjeçari boshnjak ka qenë pjesë e Bayernit për nëntë vite si futbollist, derisa si drejtues është që nga viti 2017. /Telegrafi/