BABAI, BIRI

Nga: Peter Gabriel
Përktheu: Fadil Bajraj

Babai, biri.
Dukeshin njësoj.
Në këtë dhomë të boshatisur.
Shpinë për shpine.
E jotja mbështetur për timen derisa
ngrohtësia të na përshkojë.

Kujtoji valëpritësit poshtë te tallazet.
Për herë të parë u trimërova duke ditur
se babai do të mund t’më mbronte.
Mund ta ndaloja blirimin.
Tok me babain tim.

Qeni na sillej e mbështillej rreth këmbëve.
Shfrytëzuam secilën pozitë.
Duke u përpjekur në mënyrat tona të ndryshme.
Mantra dhe himne.
Duke përdorur çdo gjymtyrë.
Duke kërkuar çlirim përmes vuajtjeve.

E sytë e jogit janë të hapur.
Duke shikuar lart
Ai po ashtu është duke ëndërruar mbi dashurinë e t’et.
Me babain e pranë vetes.
E ka babain e vet pranë vetes.

A mund ta rikujtosh.
Si më more e më çove përdore në shkollë.
S’mund të flisnim aq shumë.
Kjo qe bukur moti e tash s’më pushon loti.
Kujtoj se ende jam biri yt.

Përjashtë në shqopishtë.
Pakëz po pushojmë.
Shih sa larg kemi mbërri.
Ti po lëviz goxha ngadalë.
Sa larg mund të shkojmë.
Baba e bir.

E kam babain në anën time.
E kam babain në anën time.
E kam babain në anën time.
Me mua.