LAJMI I FUNDIT:

183 pacientë të hospitalizuar në QKUK dhe spitalet e përgjithshme në pritje të rezultatit për COVID-19

183 pacientë të hospitalizuar në QKUK dhe spitalet e përgjithshme në pritje të rezultatit për COVID-19
Foto ilustrim

Shërbimi Spitalor Klinik e Universitar i Kosovës ka bërë të ditur se nëpër klinikat e QKUK-së dhe spitalet e përgjithshme janë të hospitalizuar 628 pacientë prej të cilëve 440 janë të konfirmuar me COVID-19.

Ndërsa pacientë të shtrirë nëpër klinikat e QKUK-së dhe në spitale private, të cilët ende nuk janë konfirmuar janë edhe 183 pacientë.

Sipas raportit të SHSKUK-së, gjithsej në respiratorë janë 14 pacientë, me metodën CPAP janë 27 pacientë ndërsa në oksigjen janë 419 pacientë.

Në QKUK dhe klinikat e saj gjithsej janë të hospitalizuar 239 pacientë, prej të cilëve 217 janë të konfirmuar pozitiv me COVID-19, 10 janë të konfirmuar negativ në testin për coronavirus, ndërsa janë të shtrirë edhe 22 pacientë ende të pakonfirmuar.

Klinika Infektive – QKUK, Foto: Ridvan Slivova

Kurse, në raportin e SHSKUK-së po ashtu bëhet e ditur se nëpër spitalet e përgjithshme janë duke u trajtuar 389 pacientë, prej të cilëve janë konfirmuar pozitiv me COVID-19, 223 persona, ndërsa negativ janë konfirmuar 5 persona, kurse të pakonfirmuar janë edhe 161 pacientë të shtrirë nëpër këto spitale.

Më së shumti pacientë të shtrirë janë në spitalin e Prizrenit, gjithsej 94 persona, prej të cilëve 61 janë të konfirmuar me COVID-19, ndërsa edhe 33 të tjerë janë duke u trajtuar në këtë spital por që ende nuk janë konfirmuar nëse janë apo jo të infektuar.

COVID-19, shënohen 13 të vdekur dhe 171 raste të reja brenda 24 orëve 
Lexo po ashtu COVID-19, shënohen 13 të vdekur dhe 171 raste të reja brenda 24 orëve 

Kurse, në listën e pritjes për tu konfirmuar janë edhe 40 pacientë të shtrirë në spitalin e Pejës, ku gjithsej janë 73 pacientë, ndërsa prej tyre vetëm 33 janë të konfirmuar me COVID-19.

Në Ferizaj dhe Gjakovë po ashtu janë edhe nga 23 pacientë të hospitalizuar të cilët ende nuk janë konfirmuar me COVID-19.

Në spitalin e Vushtrrisë, nga 43 pacientë të shtrirë, 37 janë të konfirmuar me coronavirus, ndërkaq edhe 6 janë në pritje për tu testuar.

Klinika Infektive – QKUK, Foto: Ridvan Slivova

Kurse, në spitalin e Gjilanit, nga 68 pacientë të shtrirë, 32 janë konfirmuar pozitiv me COVID-19, ndërsa edhe 36 janë të pakonfirmuar.

Instituti Kombëtar i Shëndetit Publik ka bërë të ditur se gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 463 mostra të marra nga ShSKUK dhe gjurmimi i kontakteve të rasteve në terren prej të cilëve rezultojnë 171 raste pozitive. Brenda 24 orëve janë raportuar 13 raste të vdekjes me SARS CoV-2 pozitiv.

IKSHPK njofton se numri total i rasteve pozitive është 10.590 raste nga 41.615 persona të dyshimtë në virusin SARS-CoV-2 dhe 354 raste të vdekjes.

Gjatë 24 orëve të fundit, janë shëruar 190 pacientë derisa numri i përgjithshëm i të shëruarve deri më sot është gjithsej 6.248 raste, kurse numri i rasteve aktive është 3.988. /Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori