Një bombë shpërtheu në një autobus ushtarak pranë Damaskut, duke vrarë të paktën 18 ushtarë dhe duke plagosur 27 të tjerë, raportojnë mediat shtetërore siriane.

Reklama

“Një autobus ushtarak në fshatin e Damaskut u shënjestrua sot në mëngjes nga një shpërthim terrorist me një mjet shpërthyes që ishte vendosur paraprakisht”, agjencia shtetërore e lajmeve SANA citoi një burim ushtarak.

‘Observatori Sirian’ për të Drejtat e Njeriut me bazë në Britani, një monitorues i luftës, tha se shpërthimi ndodhi të enjten në zonën al-Saboura në fshatin e Damaskut, në një autostradë që të çon në kryeqytetin libanez, Bejrut.

Deri më tani nuk ka marrë askush përgjegjësi për sulmin dhe nuk kishte koment nga autoritetet siriane, transmeton Telegrafi.

Reklama

Ishte një nga një seri sulmesh në muajt e fundit kundër trupave siriane që nuk ka ndodhur në vijën e frontit aktiv.

Reklama

Në qershor, një sulm me autobus i marrë përsipër nga grupi i armatosur i ISIL (ISIS) vrau 13 ushtarë në provincën veriore të Raqqa. /Telegrafi/