Mbi 12 vjet pas ndarjes së tyre, Zac Efron, vendosi në mënyrë misterioze të ndiqte sërish ish të dashurën e tij të famshme Vanessa Hudgens në Instagram, dhe kjo nuk kaloi pa u vënë re nga fansat.
Dhe ndërsa bashkëthemeluesja 34-vjeçare e “Caliwater” nuk e ka përfshirë ish-të dashurin e saj 35-vjeçar në mesin e 1772 llogarive që ajo ndjek, ajo padyshim që hyri në listën e tij me fat me 277 llogari që ndjek gjithsej.
Kimia e Zac dhe Vanessas në ekran si basketbollisti Troy Bolton dhe dhjetëvjeçarja Gabriella Montez në trilogjinë e “High School Musical” ishte aq e fuqishme saqë dyshja filluan të takoheshin në jetën reale nga viti 2005 deri në ndarjen e tyre përfundimtare në dhjetor 2010, shkruan DailyMail.
Fansat në Twitter shprehen entuziazmin dhe habinë e tyre për Efron që ende duket se ka një interes për atë që ndodh në jetën e Hudgens.
Megjithatë, së fundmi Vanessa foli plot entuziazëm në ‘TODAY’ për atë se sa 'mahnitëse' ndihej të fejohej me lojtarin e Colorado Rockies, Cole Tucker.
“Është gjëja më e mirë ndonjëherë. Më pëlqen të jem e fejuar!”, tha Vanesa.
Zac Efron tregon fizikun e tij të shkëlqyer, të cilin e ka transformuar për rolin e tij të ri filmik
Hudgens dhe bejsbollisti 26-vjeçar – janë parë publikisht së bashku për herë të fundit më 24 shkurt - fillimisht u takuan në një grup meditimi ‘Zoom’ të organizuar nga dy herë i nominuari për “Grammy”, Joe Jonas gjatë kulmit të pandemisë në 2020.
Disa menduan se Efron dhe Hudgens ishin duke filmuar fshehurazi filma si Troy dhe Gabriella në sezonin e katërt të serialit Disney+ “High School Musical: The Musical: The Series”, i cili zyrtarisht përfundoi prodhimin më 20 dhjetor.
Kur u pyet drejtpërdrejt në tetor në lidhje me këtë, Vanessa u përgjigj atë kohë duke thënë: “Nuk e di, ia lëmë fatit. Lëreni në dorë të perëndive”. /Telegrafi/
