Jurgen Klopp ka konfirmuar se Liverpooli do të jetë pa Mohamed Salahun dhe Roberto Firminon në ndeshjen e dytë ndaj Barcelonës në Ligën e Kampionëve.
Trajneri i skuadrës angleze ka bërë të ditur se ata do të jenë pa dy lojtarët shkaku i lëndimeve që kanë pësuar.
Lëndimi i Mohamed Salah (Foto: Clive Brunskill/Getty Images/Guliver)
“Që të dy, Mo dhe Roberto (Firmino) nuk do të jenë të gatshëm”, ka thënë Klopp në një konferencë për media.
“Salah është duke u trajtuar për lëndimin, por nuk do t'i lejohet të luajë. Ne nuk mund ta bëjmë atë".
Mohamed Salah dhe Roberto Firmino (Foto: Bryn Lennon/Getty Images/Guliver)
“Ai ndihet mirë, por lëndimi që ka pësuar nuk e lejon të luajë në ndeshjen e dytë ndaj Barcelonës.”, ka shtuar më tej trajneri gjerman.
Liverpooil dhe Barcelona do ta zhvillojnë nesër (e martë) ndeshjen e dytë gjysmëfinale në Ligën e Kampionëve duke filluar nga ora 21:00 në Anfield. /Telegrafi/
