Feyenoord ka njoftuar zyrtarisht se ka transferuar sulmuesin e Fenerbahces, Robin Van Persie.
Skuadra holandeze e ka zyrtarizuar rikthimin e lojtarit përmes një video të publikuar në rrjetet sociale.
"Mirë se erdhe në shtëpi Robin", shkruan ndër të tjerash në llogarinë zyrtare të klubit në Twitter.
Prezantimi i futbollistit bëhet e ditur se do të bëhet ditën e hënë në qytetin holandez të Roterdamit.
Ndërkaq, nuk dhënë ndonjë informacion rreth detajeve të kontratës ndërsa gjithçka pritet të zbardhet gjatë ditëve në vijim.
Ndryshe, 34-vjeçari ka luajtur në të kaluarën edhe për Arsenalin dhe Manchester Unitedin.
Në tre sezonet e fundit në ligën elitare turke ka pasur 57 paraqitje dhe ka shënuar 25 gola. /Telegrafi/
