Zyrtare: Gjirafa.com merr 2 milionë dollarë për zhvillimin e shërbimeve në Internet për Shqipëri, Kosovë e Maqedoni
Kompania Gjirafa, produkt kryesor i së cilës është makina kërkimore në gjuhën shqipe Gjirafa.com dhe Rockaway Capital (VC), bënë të njohur për publikun investimin 2 milionë dollarësh për të zhvilluar shërbimet e bazuara në internet për shqipfolësit në Ballkan dhe në mbarë botën.
Raundi i investimeve i udhëhequr nga “Rockaway Capital” me seli në San Francisko dhe Pragë, ka për qëllim rritjen e ekonomisë së internetit në Ballkan, nëpërmjet Gjirafa.com, duke e bërë atë lider rajonal të kërkimit, e-commerce dhe reklamave online.
“Investimi është më shumë se sa një bast për potencialin shpërthyes të ekonominë së Ballkanit, i cili do të na ndihmojë të përshpejtojmë këtë rritje duke i ofruar rajonit shërbime online të cilat kurrë më parë nuk janë parë”, tha themeluesi dhe Drejtori Ekzekutiv i Gjirafa, Mërgim Cahani.
Cahani në vitin 2014 se bashku me dy bashkëthemeluesit, Dr. Ercan Canhasi dhe Diogjen Elshani lansuan ‘Gjirafa’ në akceleratiorin e Pragës, StartupYard, dhe e ndërtuan kompaninë e kërkimeve që të ketë një rritje marramendëse prej 650% që nga fundi i 2014-ës. Vetëm në 10 javët e fundit Gjirafa ka regjistruar mbi 10 milionë kërkime dhe më shumë se 1 milion vizitorë.
“Jemi shumë të lumtur për potencialin e rritjes së e-commerce dhe reklamimit online në Kosovë dhe Shqipëri”, tha partneri investues i Rockaway Capital, Dusan Zabrodsky, i cili udhëhoqi raundin e investimeve.
“Gjirafa është pozicionuar në qendër të inovacioneve në rajon, dhe ne po shohim mundësi të jashtëzakonshme që ata të ecin para dhe përfitojnë nga modernizimi i shpejtë që po ndodh tani. Kjo kompani ka mundësi të bëjë për Kosovën dhe Shqipërinë atë që Yahoo bëri për SHBA në vitet 90-ta, të ndërtojë një ekonomi të vërtetë Interneti. Ky është një moment tërësisht unik”.
Ky investim është në vazhdën e investimeve që Rockaway realizoi në tregun evropian të e-commerce viteve të fundit, si dhe investimeve të mëhershme në Gjirafa, përfshi investitorët nga SHBA Esther Dyson, Ondrej Bartos (partner në Credo Ventures) dhe Philip Staehelin, partner menaxhues në Roland Berger.
Investimi i Rockaway në Gjirafa, do të përdoret për të zgjeruar infrastrukturën e kërkimeve online, e-commerce dhe reklamave online që janë të mangëta në rajonin qe po sheh rritjen më të shpejt të natalitetit në Evropë. Marrëveshja përfshin po ashtu zotimin e konsiderueshëm të resurseve nga Rockaway në partneritet me Gjirafa.com për sjelljen e risive të tjera për audiencën dhe bizneset shqipfolëse, duke përshpejtuar zhvillimin e ekonomisë së internetit në rajon.
Gjirafa planifikon të avansojë platformën e reklamave online për Shqipëri dhe Kosovë (Gjirafa AdNetwork), dhe të ofroj shërbime të e-commerce. Edhe pse rajoni ende varet nga metodat e vjetra të pagesave, përdorimi i smartfonëve përbënë rreth 50% të trafikut të internetit.
Deri më tani Kosova dhe Shqipëria kishin ngelur prapa pjesës tjetër të Evropës sa i përket rritjes online, por kohëve të fundit janë bërë hapa të mëdha.
Sot kemi një penetrim të internetit prej 85%, si rrjedhojë e investimeve europiane dhe kthimit të diasporës.
Duke pasur parasysh edhe moshën mesatare të re të popullsisë, Gjirafa planifikon të përfitojë nga adoptimi i shpejt i teknologjisë së telefonave të mençur, duke sjellë për herë të parë shumicën e ekonomisë online në rajon.
Momentalisht Gjirafa është duke kërkuar talent dhe profesionistë që t’i bashkohen ekipit në Tiranë dhe Prishtinë. Për më shumë informata kliko KËTU.
Promo
Reklamo këtuLufta Prigozhin - Putin
Më shumëNga Rubrika
Mjekët japonezë padisin Google për informata të rreme dhe kërkojnë dëmshpërblim
Intel zbulon kompjuterin më të madh neuromorfik në botë “të frymëzuar nga truri i njeriut”
Çfarë bën inteligjenca e përmirësuar artificiale e WhatsApp, Instagram, Facebook dhe Messenger
Ky rrjet social mund ta kërcënojë Facebook, Instagram dhe TikTok
Intel zbulon kompjuterin më të madh neuromorfik në botë "të frymëzuar nga truri i njeriut"
Çfarë bën inteligjenca e përmirësuar artificiale e WhatsApp, Instagram, Facebook dhe Messenger
Viber prezanton funksionin e ri me Al
Black Shark vjen me një “unazë inteligjente” me 180 ditë jetëgjatësi të baterisë
Logitech po përgatit një mi "të zgjuar": Ju ndihmon të shkruani email ose të modifikoni tekstet - sa do të kushtojë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi