“Zurich Shqip Up Comedy” – Avni Shkodra në natën e dytë me një performancë që premton të qeshura të pafundme

Aktori i njohur nga Gjilani, Avni Shkodra, do të jetë një nga performuesit kryesorë në edicionin e sivjetmë të festivalit të komedisë “Zurich Shqip Up Comedy”, i cili do të mbahet në Zvicër më 18 dhe 19 tetor 2024.

Shkodra, i njohur për rolet e tij të shumta në teatër dhe kinematografi, do të performojë stand-up komedi për herë të parë në këtë festival. Ai do të sjellë një humor të veçantë dhe të freskët, duke i dhuruar publikun shqiptar në diasporë një natë të paharrueshme plot batuta dhe të qeshura. Performanca e tij pritet me padurim në natën e dytë të festivalit, më 19 tetor, në sallën e njohur “Stadthalle Dietikon” në Cyrih.

Në një mesazh plot humor dhe energji për fansat e tij, Avni Shkodra tha: “Përshëndetje e shqipes simpatizues të stand-up komedisë! Desha me ju informu që edhe sivjet jam pjesë e Festivalit të Stand-up Komedisë. Shqip Up Comedy Fest, i cili do të ndodhë në datat tetëmbëdhjetë edhe nëntëmbëdhjetë tetor në Dijetikon të Cyrihut të Zvicrës prej orës shtatë mbrëmje. Unë jam pjesëmarrës në natën e dytë me tekst premierë të stand-up komedisë, së bashku me kolegët e mi, Varina Muçollin, Asim Sofi Memishin, Dario Harunin edhe Merzadrinë Zvicra. Meqë po pres të shihemi Cyri”.

View this post on Instagram

A post shared by ShqipUpFestival (@shqipupfestival)

Ky mesazh i ngrohtë dhe plot autoironi reflekton stilin unik të Sfishtës, ku përzierja e humorit të lirshëm me përditshmërinë e tij krijon një atmosferë ku të qeshurat janë të garantuara.

Festivali “Zurich Shqip Up Comedy” do të zhvillohet për herë të parë në dy netë, duke ofruar një platformë për disa prej komedianëve më të njohur shqiptarë. Kjo ngjarje premton të sjellë një valë të re humori dhe energjie pozitive për diasporën shqiptare në Zvicër.

Përveç Avni Shkodrës, festivali do të mirëpresë edhe artistë të tjerë të njohur të humorit. Biletat për festivalin janë tashmë në shitje, dhe mund t’i blini KËTU.

Mos e humbisni këtë mundësi për një mbrëmje plot të qeshura dhe argëtim me komedianët tuaj të preferuar! /Telegrafi/