Në shenjë pakënaqësie me procesin e fundit të punësimit në kombinatin “Trepça”, dhjetëra protestues, në ditën e katërt të protestës së tyre, kanë bllokuar sot në mëngjes rreth 40 minuta rrugën Mitrovicë-Stantërg.
Ata rreth orës 06:30, tek Tuneli i Parë, fillimisht kanë lënë disa automjete në rrugë, pastaj i kanë larguar ato dhe kanë vazhduar të qëndrojnë në rrugë, duke paralizuar kështu lëvizjen e plotë nga Mitrovica në drejtim të Stantërgut dhe anasjelltas
Njëkohësisht, në këtë mënyrë është pamundësuar edhe shkuarja në punë e shumë minatorëve nga Mitrovica në minierën e Stantërgut dhe në flotacion, ndërsa protestuesit më vonë kanë liruar qarkullimin e automjeteve të vogla, por jo edhe të autobusëve me punëtorë.
Herë herë ka pasur tensione në rastet kur protestuesit identifikonin pumëtorët të cilët ishin duke udhëtuar me automjetet e tyre, të cilat i kthenin mbrapsht.
Arsim Musa, nga këshilli protestues, ka bërë të ditur për KosovaPress, se qëllimi i bllokimit të rrugës ka qenë mos lejimi i shkuarjes në punë të atyre punëtorëve të cilët nuk i kanë mbështetur këto protesta.
Sipas tij, përkundër thirrjes së protestuesve për takim me kryeministrin ose ministrin e Zhvillimit Ekonomik, ata akoma nuk kanë marrë ndonjë përgjigje.
“Ne kemi dalë këtu për bllokimin e rrugës komplet…Kemi kërkuar nga minatorët që të na përkrahin, na kanë përkrahur pjesërisht, prandaj kemi dashur me i ndalë njerëzit dhe në mënyrë të organizuar mos me i lënë me shkuar në punë. Kemi kërkuar përgjigje nga kryeministri dhe ministri i Zhvillimit Ekonomik, por nuk kemi marrë asnjë përgjigje”, ka thënë Musa, duke mos precizuar kohën sa do të zgjasë protesta e sotme.
Ndërkaq, Ahmet Xhosha, komandanti i stacionit policor në Mitrovicë, tha se është arritur që me mirëkuptim dhe në mënyrë profesionale të komunikohet me protestuesit për t’i bindur ata që ta zhbllokojnë rrugën.
Falë kësaj, shtoi ai, nuk është shënuar ndonjë incident gjatë kësaj proteste.
“Ne kemi tentuar që të komunikojmë gjatë tërë kohës me protestuesit dhe me mirëkuptim, në mënyrë sa më profesionale, që ata e kanë edhe obligim ligjor për ta liruar rrugën, kështu që në fund kemi arritur pa përdorimin e forcës të lirojmë rrugën. Gjatë protestës nuk kemi pasur ndonjë incident në raport me qytetarët as me protestuesit. Nuk kemi të arrestuar as të lënduar për momentin dhe rruga është liruar në tërësi dhe po funksionon normalisht”, theksoi Xhosha.
Pas zhbllokimit të rrugës, protestuesit po vazhdojnë protestën e tyre para hyrjes së minierës në Stantërg.
Promo
Reklamo këtuLufta Prigozhin - Putin
Më shumëKush është vajza biznesmene që po pushton tregun muzikor?
3, 2, 1 - Volvo gati për ty!
24 orë na ndajnë nga ngjarja e madhe Halving në Bitcoin
Kosova përfiton 90 milionë euro nga Banka Botërore
Mesazhet iraniane ulën çmimet e naftës në tregun botëror
B&M ofron Trajnim dhe certifikim për Operuesit e Vinçave, Auto Vinçave, Pirunierëve, Ashensorëve të ndërtimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel