Zgjidhet dilema: Pastrimi i rrobave të reja dhe rreziqet që mund të barten përmes tyre

Kur blini rroba të reja, ndoshta ju mendoni t’i vishni ato menjëherë pa iu bërë një pastrim të duhur, sepse mendja ju thotë që vetëm pak njerëz i kanë provuar ato.

Por ju sugjerojmë të mendoheni përsëri.

Sipas profesorit të mikrobiologjisë dhe patologjisë në Universitetin e Nju Jorkut, Philip Tierno, numri i njerëzve që janë përpjekur për ta blerë atë bluzë që keni veshur ju mund të jetë më i madh sesa mendoni ju, transmeton Telegrafi.

“Nuk janë katër, pesë ose gjashtë njerëz, janë me dhjetëra e dhjetëra njerëz që e provojnë atë rrobë që ju keni blerë dhe ajo rrobë mund qëndrojë atje për javë ose muaj të tërë”, tha Philip Tireno.

Sigurisht, ky numër varet nga shumë faktorë, siç është madhësia e dyqanit dhe shpejtësia me të cilën një artikull e shet ai dyqan. Por a doni me të vërtetë të vishni diçka që edhe një i huaj ka provuar më parë?

Tierno ka kryer studime në të cilat ai i ka testuar veshjet (bluza, pantallona, ​​fustane, rroba banje, mbathje, etj.) Nga dyqanet e të mëdha popullore dhe bizneset e modës në fund ka parë bakteret dhe mikrobet e lëna nga blerësit të cilët i kanë provuar ato rroba por nuk i kanë  blerë. Në hulumtimin e tij, ai ka gjetur në rroba mikrobe të ndryshme që mund të shkaktojnë  probleme shqetësuese për njerëzit që i veshin ato rroba pa i pastruar më parë.

Tierno tha se ka tri mënyra kryesore për shpërndarjen e mikrobeve tek ne: nga lëkura, nga frymëmarrja (mendojini gojën dhe hundën) dhe anusi. Nëse prekni rrobat që kanë mikrobet në to dhe pastaj prekni gojën, sytë ose hundën, ju jeni duke e vënë në rrezik veten.

Dr. Meghan Feely , një dermatologe e certifikuar nga bordi që praktikon në New Jersey dhe Manhatan, është e njohur për  kimikatet në veshje që mund të shkaktojnë reaksione. Ajo shpesh trajton klientët të cilët kanë pezmatim të lëkurës dhe i ndihmon ata të përcaktojnë origjinën për skuqjen e tyre dhe acarime të tjera, duke përfshirë nëse është një reaksion alergjik.

Ajo tha se në qoftë se reagimi është për shkak të një alergjie, larja mund të ndihmojë, por veshjet nuk duhet të vishen përsëri.

Feely rekomandon përdorimin e një detergjenti dhe zbutësi të rrobave pa aromë dhe pa ngjyrë, “pastroni ato përmes një cikli shtesë për shpëlarje për të ndihmuar që të hiqet plotësisht detergjenti”,  tha ajo.

Dr. Krista Lauer, drejtoreshë kombëtare mjekësore për  Larada Sciences, i bëri jehonë shqetësimeve të Feely dhe Tierno për pastrimin e rrobave të reja dhe shtoi se duke u provuar një kapele ka rrezikun e vet sepse morrat zakonisht përhapen drejtpërdrejtë në kokë me kontakt, gjithashtu mund të transmetohet kur përpiqeni të provoni një kapelë që dikush me morra e kishte provuar më parë.

Veshja e një kostumi të ri do të vijë së shpejti. Dhe do të duket edhe më mirë pa një skuqje të lëkurës si një aksesor. /Telegrafi/