Zgjedhni syzat e përsosura në bazë të formës së fytyrës që e keni

Një anketim ka zbuluar se të vënit syza ju bën të dukeni 75% më seksi.

Duke marrë parasysh këtë, me siguri se keni dëshirë t’i vini një palë syze, por brengoseni  se zgjedhja e formës së gabuar të syzeve mund t’ju bëjë të dukeni keq?

Për këtë problem, më poshtë e keni një udhëzues i cili në detaje ju tregon si t’i zgjedhni syzat e përsosura për formën e fytyrës që e keni, transmeton Telegrafi.

Fillimisht duhet të keni parasysh se në parim ekzistojnë gjashtë forma të fytyrës: forma e zgjatur e fytyrës, ajo ovale, ajo në formë të zemrës, katrore, rrethore dhe në formë diamanti.

Syzat e përsosura për formën e zgjatur të fytyrës

Si ta kuptoni nëse e keni këtë formë: Fytyra është më shumë e gjatë sesa e gjerë. Ndërkaq balli, faqet dhe mjekra janë pothuajse të së njëjtës gjerësi.
Çfarë syza të vini nëse e keni këtë formë: Vini syze të mëdha me korniza të gjera dhe linja të qarta.

Syzat e përsosura për formën e zemrës të fytyrës

Si ta kuptoni nëse e keni këtë formë: Mjekra ka formën e mprehtë, faqet janë të gjera dhe balli është i gjerë.
Çfarë syza të vini nëse e keni këtë formë: Vini syza të cilat kanë një ‘drejtim’ tatëpjetë dhe e theksojnë mjekrën – pra syzat e formës ‘Aviator’.

Syzat e përsosura për formën katrore të fytyrës

Si ta kuptoni nëse e keni këtë formë: Gjatësia e fytyrës dhe distanca mes faqeve janë pothuajse të njëjta. Mjekra, faqet dhe balli janë të gjitha të së njëjtës gjerësi.
Çfarë syza të vini nëse e keni këtë formë: Ovalet e ngushta ose kornizat drejtkëndore me pjesë rrethore anash.

Syzat e përsosura për formën ovale të fytyrës

Si ta kuptoni nëse e keni këtë formë: Fytyra është më e gjatë sesa e gjerë dhe balli është më i gjerë sesa linja e mjekrës.
Çfarë syza të vini nëse e keni këtë formë: Përdorni korniza të cilat janë më të trasha lart sesa poshtë.

Syzat e përsosura për formën rrethore të fytyrës

Si ta kuptoni nëse e keni këtë formë: Fytyra është po aq e gjatë sa është e gjerë, ndërkaq balli dhe linja e mjekrës janë më të holla por me proporcione të barabarta.
Çfarë syza të vini nëse e keni këtë formë: Vini syza me formë katrore ose drejtkëndore me kënde të mprehta.

Syzat e përsosura për formën diamante të fytyrës

Si ta kuptoni nëse e keni këtë formë: Keni faqe të gjera, mjekrën me maje dhe balli është më i hollë.
Çfarë syza të vini nëse e keni këtë formë: Përdorni korniza me anë rrethore të cilat nuk janë më të gjera sesa faqet tua. /Telegrafi/