Që nga e mërkura kur edhe u votua në Kuvendin e Kosovës, mocioni për rrëzimin e Qeverisë Mustafa, subjektet politike veç se kanë filluar fushatën për zgjedhjet e parakohshme.
Gjatë ditës së djeshme presidenti Hashim Thaçi zhvilloi takim me përfaqësuesit e subjekteve politike, ku u dakorduan që data për mbajtjen e zgjedhjeve të parakohshme të jetë 11 qershori.
Në këtë takim munguan përfaqësuesit e Lidhjes Demokratike të Kosovës (LDK), pasi që sipas tyre ata tashmë nuk e njohin Thaçin president.
Se sa do të sjellin ndryshime në skenën politike, mbajtja e këtyre zgjedhjeve, analisti politik, Fadil Lepaja ka thënë për Telegrafin se nuk mendon që zgjedhjet e reja do të sjellin ndryshime të mëdha në skenën politike, as në numra as në kualitet të ri.
“Përgjithësisht, ka pak dallime në mes të partive politike në Kosovë dhe janë të mundshme gati të gjitha kombinimet edhe pse, mendoj se përcaktuese do të jetë gatishmëria e tyre për të bashkëpunuar me faktorin ndërkombëtarë rreth reformave në drejtësi dhe dekriminalizimin, si dhe marrëdhëniet me fqinjët, posaçërisht Serbisë, dhe serbëve etnik në Kosovë”, ka thënë Lepaja.
I pyetur rreth asaj se sa janë gjasat që pas këtyre zgjedhjeve LDK-ja të jetë në opozitë, Lepaja theksoi se do të ishte e gabuar nëse LDK mbetet në opozitë, pasi që sipas tij kjo nuk do t’i kontribuonte zhvillimit të proceseve euro-atlantike, dekriminalizimit, e as zhvillimit të vendit.
“Mendoj se në Kosovë janë vetëm dy vija politike dhe ato fatkeqësisht janë prezentë brenda të gjitha partive politike. Dallimet brenda partive janë më të mëdha se dallimet ndërmjet partive të ndryshme”, u shpreh Lepaja.
Ai shtoi se nëse LDK-ja arrin që ta mbajë frymën reformiste dhe të zhvillohet, do të vazhdojë të jetë bartëse e të gjitha proceseve të rëndësishme në vend.
Ndonëse në LDK kanë deklaruar se PDK-ja është rivali kryesor i tyre dhe se çdo koalicion i mundshëm me ta të përjashtohet, të njëjtën gjë nuk e mendon analisti Fadil Lepaja.
Ai nuk e ka përjashtuar sërish koalicionin LDK-PDK, përfshi edhe ndonjë tjetër, sepse siç u shpreh ai problemet mbesin të njëjta.
Mirëpo për dallim nga Lepaja, mendim tjetër ndan analisti Imer Mushkolaj.
Ai në një prononcim për Telegrafin ka thënë se partitë opozitare duhet të bëhen bashkë që PDK-ja të mbetet në opozitë pas zgjedhjeve.
“Partitë opozitare duhet të bëhen bashkë në mënyrë që ta nxjerrin PDK-në në opozitë. Çdo koalicion i partive që nuk e ka këtë qëllim, është koalicion i kotë dhe jo në interes të qytetarëve”, ka thënë Mushkolaj.
Ai ka shtuar se ndryshimi pas zgjedhjeve nuk nënkupton bashkimin e cilësdo partie me PDK-në në qeverisje, por me nxjerrjen e saj në opozitë pas një dekade të qeverisjes, me shumë keqqeverisje brenda./Telegrafi/
Lufta Prigozhin - Putin
Më shumëRegjistrimi i diasporës: Çfarë përfiton Kosova?
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Meloni reagon ndaj emisionit investigativ të Rai3: Linçoi Ramën se mbrojti Italinë
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur