Volodymyr Zelensky u ka dhënë sot çmime shtetërore ushtarëve të plagosur ukrainas në një spital në Kiev.
Kjo vjen pasi sulmi i madh i Rusisë gjatë natës në vend plagosi tre persona në kryeqytet.
“Fola me luftëtarë që aktualisht po i nënshtrohen trajtimit për lëndime të rënda në krahë dhe këmbë”, thotë Zelensky në postimin e tij në X.
"Jam mirënjohës ndaj ushtarëve tanë për shërbimin e tyre dhe gjithçka që kanë bërë për vendin tonë."
Presidenti i Ukrainës nderoi gjithashtu mjekët gjatë vizitës së tij.
Ndryshe, sot janë raportuar sulme me dron ukrainas në disa rajone të Rusisë, përfshirë Ryazan, Voronezh, Bryansk, Belgorod, Tver, Kursk, Lipetsk, Tambov, Tula dhe Oryol.
Sulmet duket se ishin të koordinuara dhe kanë shkaktuar dëme materiale në disa zona. /Telegrafi/
