Zelensky do të marrë pjesë në samitin e Ligës Arabe

Presidenti ukrainas, Volodymyr Zelensky do të marrë pjesë sot në samitin e Ligës Arabe në Arabinë Saudite.

Ai do të takohet me princin e kurorës saudite në udhëtimin e parë ndonjëherë në këtë vend aziatik.

“Duke filluar vizitën time të parë ndonjëherë në Mbretërinë e Arabisë Saudite për të përmirësuar marrëdhëniet dypalëshe dhe lidhjet e Ukrainës me botën arabe. Të burgosurit politikë në Krime dhe territoret e pushtuara përkohësisht, kthimi i popullit tonë, Formula e Paqes, bashkëpunimi energjetik. Mbretëria e Arabisë Saudite luan një rol të rëndësishëm dhe ne jemi të gatshëm ta dërgojmë bashkëpunimin tonë në një nivel të ri”, ka shkruar lideri ukrainas në Twitter.

Beginning my first-ever visit to the Kingdom of Saudi Arabia to enhance bilateral relations and Ukraine’s ties with the Arab world. Political prisoners in Crimea and temporarily occupied territories, the return of our people, Peace Formula, energy cooperation. KSA plays a…

— Volodymyr Zelenskyy / Володимир Зеленський (@ZelenskyyUa) May 19, 2023

Theksojmë se udhëheqësi ukrainas do të paraqitet personalisht edhe në samitin e G7, i cili këtë vit po mbahet në Hiroshima të Japonisë.

Lexo po ashtu Zelensky në samitin e G7 në Japoni

Agjencia e lajmeve, Reuters thotë se ai do të fluturojë me një aeroplan të qeverisë franceze për në Japoni pas një ndalese në Jeddah.

Ai kohët e fundit ka pasur shumë udhëtime jashtë vendit ndërsa po vazhdon lufta, duke përfshirë turneun e javës së kaluar në vendet e Evropës.

Ndryshe, shtatë shtetet më të industrializuara të botës, të cilët njihen edhe si G7, pritet që t’i vendosin sanksione të reja shtetit rus pas pushtimit të Ukrainës. /Telegrafi/