Michael Doyle, zëdhënës i Dhomave të Specializuara të Kosovës (DhSK) në Hagë, përmes informimit javor të DhSK-së tregoi për zhvillimet gjatë kësaj jave në çështjet të cilat po i trajton kjo gjykatë, ku njoftoi se më 15 shkurt trupi gjykues urdhëroi vazhdimin e paraburgimit për Hashim Thaçin dhe Kadri Veselin, në vendime të veçanta për secilin.
“Për të dy të akuzuarit, gjykatësit konstatuan se vazhdon të ekzistojë rreziku që ata të pengojnë ecurinë e procesit dhe të kryejnë vepra të tjera penale ndaj personave që konsiderohen si kundërshtarë të UÇK-së, përfshirë dëshmitarët që kanë dhënë ose mund të japin dëshmi në këtë gjykim. Trupi gjykues vazhdoi të ishte i mendimit se këto rreziqe mund të zvogëlohen vetëm nëpërmjet kornizës së monitorimit të komunikimeve në objektin e paraburgimit të Dhomave të Specializuara, ku përfshihen edhe masat e urdhëruara kohët e fundit nga trupi gjykues”, tha Doyle.
Po ashtu, Doyle bëri të ditur se më 21 shkurt, administratorja njoftoi gjykatësin e vetëm që është caktuar të mbikëqyrë zbatimin e urdhrit për zhdëmtime të trupit gjykues I në çështjen gjyqësore Salih Mustafa, lidhur me emërimin e Julius von Bone si mbrojtës të Mustafës, raporton “Betimi për Drejtësi”.
Lidhur me zhvillimet tjera, zëdhënësi i DhSK-së tha se në çështjen gjyqësore ndaj Pjetër Shalës, trupi gjykues e deklaroi të mbyllur fazën e paraqitjes së provave dhe caktoi datat për paraqitjen e deklaratave përmbyllëse nga 15 deri më 19 prill 2024.
Në gjykimin Thaçi dhe të tjerët, gjatë kësaj konference u tha se këtë javë kanë dhënë dëshmi dëshmitarët e 45-të dhe 46-të të thirrur nga Prokuroria, kryesisht në seanca publike.
Duke filluar nga e marta, dëshmitari i 46 dëshmoi me pseudonim, por pa ndryshim të pamjes apo të zërit, lidhur me pretendimin për rrëmbimin e anëtarëve të familjes së tij në zonën e Rahovecit.
Po ashtu, u tha se pas seancës së rregullt të gjykimit të ditës së djeshme, trupi gjykues II mbajti një seancë të veçantë për të diskutuar kalendarin dhe aspekte të planifikimit të gjykimit, përfshirë mundësinë e thjeshtimit të provave të paraqitura nga Prokuroria, si edhe marrjen e masave që më shumë seanca gjyqësore të bëhen publike.
“Në të njëjtën çështje gjyqësore, javën e kaluar u dorëzuan parashtrime publike lidhur me ndryshimin e mbrojtësit dhe bashkëmbrojtësit të dy prej të akuzuarve. Më 16 shkurt, administratorja e DhSK-së e informoi trupin gjykues për përfundimin e emërimit të Dejvid Jang si bashkëmbrojtës i z.Rexhep Selimi”, tha Doyle.
Po ashtu, u tha se pasi që trupi gjykues miratoi tërheqjen e Gregory Kehoe si kryembrojtës i Thaçit, administratorja emëroi Luka Mishetiqin kryembrojtës të Hashim Thaçit, më 19 shkurt.
Gjatë seancës së 20 shkurtit, trupi gjykues i dha urdhër gojor Luka Mishetiqit që të dorëzojë listën e përditësuar të ekipit të mbrojtjes së Thaçit deri më 11 mars.
Në çështjen gjyqësore Sabit Januzi, Ismet Bahtijari dhe Haxhi Shala, sipas zëdhënësit të DhSK-së, Prokuroria ka dorëzuar dosjen paraprake së bashku me listën e dëshmitarëve që synon të thërrasë dhe listën e provave materiale që propozon të paraqesë gjatë gjykimit për vërtetimin e akuzave.
Ndryshe, Dhomat e Specializuara të Kosovës në Hagë, çdo të enjte, në orën 14:30, përmes platformës online “Zoom” mbajnë informim javor ku ofrojnë informacione të përditësuara mbi zhvillimet e fundit lidhur me procedurat gjyqësore dhe veprimtaritë në këtë gjykatë.
Lufta Prigozhin - Putin
Më shumëNga Rubrika
Ruajtja e shumicës shqiptare në Komunën e Bujanocit, tri parti lidhin koalicion paszgjedhor
Togerja e Policisë së Kosovës fiton çmim ndërkombëtar për shërbim në komunitet
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Konkursi për gradimin e policëve, dyshohet për favorizime të familjarëve të eprorëve
Meta: Ambasadorin italian do ta kisha shpallur “non grata” në Shqipëri
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë